食完早餐,我地就由旭川揸車出札幌,去今日嘅唯一行程~國營瀧野鈴蘭丘陵公園。車程差唔多2.5鐘,包生話慳番啲時間畀包囡玩,唔停中途站,直去公園。 呢到啲車其實都揸得幾快,包生都跟住一齊衝。行行下,咦~ 點解後面架車變左做警車嘅? 哈哈,我地被隱形戰車捉到,警車示意我地停埋一邊,警察叔叔同包生用英文溝通左一陣,大意就係我地超速28km「be careful!」。口頭警告完,就幫我地開路出番公路離開。冇睇過駕駛執照,冇抄牌、冇罰款…可能係言語不通,放你一馬~ 有驚無險! 我地去到瀧野鈴蘭丘陵公園嘅東口,入左閘之後再駛入啲先見停車場(車場費¥410),公園入場費共¥900。 http://www.takinopark.com.t.bn.hp.transer.com/ 呢到真係勁大,基本上成個山頭都係公園範圍。 點擊圖片放大 +2 我地先揾間餐廳食lunch 呢到咁多小朋友,BB座椅都勁啲(放car位用)! 點擊圖片放大 +3 食完就出去玩啦~ 我地係東口入場,主要係地圖啡色一帶玩~ 點擊圖片放大 室內繩網陣 點擊圖片放大 大型彈床 人肉草地滾球 (好明顯係玩自己多啲) 點擊圖片放大 極速滑梯,小朋友要戴頭盔先可以玩。總其有1-9號梯,3歲以下只能夠玩4-5號梯。 點擊圖片放大 包生幫包囡戴完頭盔後,就咁就推左包囡落個滑梯到!衝力太勁,包囡瀡到成個人瞓低哂!好彩包囡冇嚇親(包太嚇親多啲),仲想繼續玩,不過要坐包生大脾,話要一齊玩,唔敢再自己瀡! 玩水~ 好彩今日天氣暖番,但浸得耐都凍!玩到濕哂,上黎要換衫褲~ 另一個彈床~ 好多軟身嘅障礙物畀小朋友攀爬 / 呢埋~ 過左條橋,就係另一個Zone (地圖綠色嘅部分),可惜我地要走啦~ 呢個公園真係好大,我地只係玩到公園一小部分,有機會真係要再黎過,係呢到玩足一日都冇問題! 辛苦包生啦,玩到攰哂仲要揸車,公園出番札幌市大約45分鐘車程(比較多車)。 最後兩日,我地住番第一晚嘅Hotel Gracery,札幌站對住,超方便!包生去還車,我地就checkin酒店先~ 今次住尾房,房間好似大左,個景對正札幌站! 點擊圖片放大 +2 放低行李,去對面逛大丸,Stella Place同ESTA,呢邊潮物比較多。最鍾意都係Bic Camera睇玩具,北海道比較少人,所以連藥妝部都好好行。 晚餐行左去ESTA隔離嘅東急,上左餐廳樓層食火鍋~ 我地另外再散叫左啲餸同烏冬。 點擊圖片放大 +4 今晚收獲: 點擊圖片放大 +2