酒店早餐surprisely嘅豐富! 點擊圖片放大 +4 食飽出發去旭山動物園,車程大概20分鐘。我地去到時已經有好多車,工作人員指示我地去西門停車場個邊泊(泊車費¥500)。好呀~泊西門近啲! 入場費合共¥1640(包囡唔使畀) 一入場影低個餵動物時間表 (最後完全冇睇到餵食) 呢到有好多唔同動物:長頸鹿、河馬、農場、羊、雞、孔雀、唔同嘅猿猴、獅子、老虎、豹……包囡睇睇下仲瞓著左,得番包生同我一齊睇動物,搞笑! 點擊圖片放大 +3 鴕鳥 點擊圖片放大 +5 各地模仿動物嘅叫聲 呢到都有摸動物時間表~ 見到就覺得重…… 點擊圖片放大 +4 最勁嘅當然係有北極熊、企鵝… 點擊圖片放大 +6 動物園內嘅餐廳都有唔少選擇~ 點擊圖片放大 +3 餵北極熊時間到啦,可惜去到已經截左龍 睇完動物園,出發去カムイの杜公園,車程約30分鐘。 呢個公園真係好大,放電一流! 有室內同室外部分~ 點擊圖片放大 室內遊樂場,可以爬上爬落,周地爬… 點擊圖片放大 +6 公園完全係無料任玩,係香港真係冇可能搵到! 放哂電,揸車出番旭川市行下。基本上呢到街上都唔多人,沿路只有3幢較大型嘅商場,但其實入面都唔多野睇。 係Feeeal入面搵到個小playhouse,可惜已經閂左門~ 點擊圖片放大 +2 行下行下,我地都係行番去Aeon... 好多酒賣~ 好多款式嘅梅酒~ Whisky~ 不過又奇怪喎,呢到咁近余市,但又唔覺有余市Whisky! 去food court望望,好似唔太啱食~ 唯有上4樓搵其他餐廳~ 今晚食牛脷~ 太難咬開啦,包囡都係食兒童餐啦~ 今晚帶左包囡去酒店大浴場沖涼,再試試浸溫泉。似乎見左幾晚,包囡大概知道係去玩下水,今次冇咁驚啦!包囡仲係咁望住隔離啲婆婆沖涼,勁尷尬!包囡又學人地用個盤仔倒水落自己到,又拎條毛巾係咁抹,好搞笑!雖然包囡唔敢浸落溫泉到,淨係坐係池邊浸住腳仔,玩自己嘅玩具~已經好叻女,好大進步啦!可惜之後個2晚嘅酒店冇溫泉浸啦~