今朝一早被陽光照醒,呢到4點就天光。落左幾日雨,今日終於好天啦!太好啦~天公造美! 落去尋晚間餐廳食buffet早餐 點擊圖片放大 小朋友早餐corner~ 野食就一般啦,食飽checkout出發~ 今日第一站:富田農場 呢到啲花開左大概一半,成個場都有幾多旅客,上次我地7月中黎就更多人。 點擊圖片放大 +3 唔講唔知嘅薰衣草田~ 畀啲想像力! 富田嘅遠景,其實周圍都係光禿禿~ 我地沿路行個圈,散住步欣賞下就走啦,包囡始終未識賞花,悶到瞓著。 場內仲有薰衣草味雪糕食~ 睇完花,我地過隔離蜜瓜場~ 包囡瞓左,我地叫左一份蜜瓜(¥300),一杯蜜瓜沙冰(¥650)慢慢歎! 呢到啲蜜瓜真係好甜好juicy,冇辦法係香港食到!杯牛奶雪糕又特別好味(好味過機場個杯)! 你亦可以係生果檔買半個蜜瓜,再過隔離買雪糕~ 當然仲有蜜瓜賣~ 點擊圖片放大 後面亦有間Bakery Shop,啲餅好精緻呀~ 正當我地準備走嘅時候,包囡醒左⋯少少無奈!我地再叫多份蜜瓜同一杯牛奶mix蜜瓜雪糕同包囡share!包囡簡直係搶住食!見到包囡食得咁開心,抵我地再叫多round!場內有啲韆鞦凳,包囡當韆鞦咁玩左陣,跑左陣先走,當係放左一陣電~ 下一站,去食富良野名物~咖哩蛋包飯。 點擊圖片放大 +2 包囡之前都未食過咖哩,啲食物咁濃味,梗係鍾意! 食飽過隔離Furano Marche行下商舖,今次冇去富良野酒廠,唯有係supermarket買番兩支,呢到亦有本地名物:薄荷油 & 薰衣草副產品 點擊圖片放大 小小商場都整左個小朋友area~真係好體貼!包囡當然唔執輸,入去碌左陣! 埋完舖,上車繼續周圍去,包囡可以係車補補眠。揸左去Flowerland,但係車場完全冇車,包生落去望兩眼:flowerland冇flower,可以skip。 下一站:四季彩之丘,離開富良野去美瑛,唔使30分鐘車程。泊好車,包生先落去望望,呢到啲花開左3成到~ 一場黎到,入去行個圈啦~ 門口有好多花苗~ 可惜帶唔到出境! 點擊圖片放大 我地入場後先行去Alpaca Farm餵草泥馬 係場內嘅右邊~ 入場費大人每位¥500(包囡唔使畀),再買左碟菜(¥100)用黎餵草泥馬。包囡好雀躍,咁細個未識驚,成日好想用手摸佢地! 係幾可愛嘅~ 餵完馬,想睇花田但又唔想用腳行,畀左¥1000(2個大人)坐一round觀光車。你睇,伯伯幾好笑容~ 梗係啦,等左咁耐終於有人買飛,可以開車啦!除左我地,全車只有另外兩名日本遊客。 基本上塊拼布之路係綠色拼啡色⋯ 啡色再拼綠色⋯ 最靚只有近門口一帶,其實唔坐車都得~ 影完相,行下門口小商舖~ 離開花田,揸車約25分鐘去旭川,呢兩晚會住旭川-天然温泉 プレミアホテル-CABIN-旭川(旧ホテルパコ旭川)。 酒店carpark已經full左,職員叫我地泊去對面時租場,入去酒店checkin時幫我地張停車場飛辦左手續,可以用番酒店parking價錢。 大堂有個架放左啲枕頭、浴衣同少少玩具&書。 點擊圖片放大 呢間酒店有啲殘、有啲舊… 點擊圖片放大 不過勝在位置方便,行過對面就係Aeon Mall。 Aeon個商場格局好熟識~上層有幾間小朋友舖頭,都算多野睇! 點擊圖片放大 +2 晚飯,搵間有熟食嘅壽司舖~ 一坐低,野食都未叫,姐姐就拎盤玩具叫包囡揀~ 我地食咩冇所謂,最緊要有麵畀包囡食~ 點擊圖片放大 食飽飽去supermarket行個圈~ 點擊圖片放大 +2 Supermarket好大,貨物嘅種類同太古 / 黃埔間Aeon差唔多,當然呢到有好多本地貨! 行完街番酒店,我同包囡係房沖涼,包生去酒店大浴場沖涼同浸溫泉~ 我諗浸溫泉都係呢間酒店嘅另一賣點! 富良野至美瑛一帶景點比較近,點與點嘅車程大部分都係半個鐘內,包囡好似冇乜機會瞓晏覺,今晚特別攰~