今日正式出發喇,為左早少少到,我地早少少起身啦!checkout 之後行去京王酒店個邊拎車,步行約5-10分鐘。 推住行李加包囡,落唔到樓梯,行左入酒店,搭lift落酒店地庫搵Toyota,咁啱有人租左宴會廳~歌謠教室開校20周年,路過見到好多上年紀嘅公公婆婆盛裝出席,幾有趣! 包生話上次架Prius太細啦,今次要租架大少少,結果租左架「誠實七人車」sienta,好在唔係港版青BB色,包囡同我2個坐後座係幾寛闊,但如果坐滿7個人明顯係會勁逼! 包生好醒咁買左個Expressway pass(5日~¥6000幾),遊客要show passport先買得,買左個pass 可行大部分有料highway,淨係由札幌去旭川條公路就已經¥3000幾,來回都過¥6000,保證回本仲慳好多,我呢啲乘客,唔理咁多啦! 由札幌開車到登別,車程1.5小時,北海道車唔多,好好揸,但相比起東京,呢到啲車好似揸得狼啲,沿途都見到唔少車狂飆!令人有錯覺:呢到係咪冇車速限制!? 話咁快就到左登別景點:登別海洋公園Nixe(入場費每位大人¥2500,包囡唔使錢)。先係入面食lunch,呢到全部餐廳都好baby friendly,Kids meal都有好多選擇! 點擊圖片放大 隨便叫左個Pasta,咖哩飯~ 兒童拉麵餐~ 食完lunch 就出去睇表演,呢到地方細細,外圍係各個展館,中間有個小廣場。 一入場就show左啲表演時間,畀你plan定條路線。 重頭戲當然係企鵝巡遊!一群企鵝由工作人員帶住,係廣場中央繞場一週。 呢到人唔多,大家可以企係路嘅兩旁近距離睇企鵝,包囡好開心!巡完一圈,工作人員會帶企鵝上廣場中央,做個小介紹。 如果企鵝poo poo左,工作人員仲會即時清潔。 睇完企鵝巡遊,跟住仲有海獅表演~ 點擊圖片放大 沙甸魚show 個場太暗而且音樂太勁,包囡有啲嚇親,要提早離場。 海豚表演 點擊圖片放大 基本上啲表演時間係順住去,睇完一個行去下一個館睇另一場,時間好fit。包囡第一次睇表演,除左沙甸魚show外,其他都睇得好投入,好開心拍哂手! 中間有個好味水族館 點擊圖片放大 告示牌提議大家可以溫柔咁摸下佢地,摸完側邊可以洗手。 點擊圖片放大 水族館側就係企鵝住嘅地方 旁邊亦有個冇野睇嘅爬蟲館,冇影到相... 近門口有個小公園,有滑梯可以玩,而另一邊亦有小型機動遊戲同摩天輪,不過今日落大雨,玩唔到戶外遊戲,太可惜啦! 最後仲有小商店 呢到地方唔大,一眼睇晒,但作為睇海洋show嘅beginner黎講,已經係唔錯嘅選擇! 行完海洋公園,我地就揸車去溫泉旅館~ホテルまほろば。 既然去登別浸溫泉,梗係揀間靚啲嘅。 點擊圖片放大 +2 由於唔知包囡肯唔肯去大浴場,所以book左間有私人風呂嘅房間。 點擊圖片放大 +2 沖涼同浸溫泉之間有門隔開,唔使凍住沖涼! 點擊圖片放大 +2 包生即刻整杯Nespresso chill下先~ 呢到地方好大,好舒適!先係房快速浸一轉,再落去食晚飯。 有獨立房間食晚飯,幾好喎! 點擊圖片放大 +4 食食下,包囡瞓著左,侍應姐姐仲好體貼咁搬左張可瞓低嘅High chair黎畀包囡瞓。包生同我好難得咁可以撐下枱腳。 食飽飽,番到房間舖多左2 set tatami~ 「諗住」一齊落去探下個大浴場,點知經過機舖,包囡被吸引左... (入面有年齡限制,近門口個啲冇問題) 包囡見到架貨Van,即刻衝左上去扮揸車,仲問我要去邊,叫我上車一齊去!玩到唔願走,最後被我夾硬拉走⋯⋯ 終於捉左包囡入去大浴場同浸溫泉。入面幾大下,室內同室外都有好幾款溫泉。室外有個池仲有滑梯玩,可惜包囡全程都好緊張咁摟住我。揀左幾個唔太熱嘅溫泉同包囡浸左一陣,不過佢都係怕陌生環境,好快就番房啦~ 浸完溫泉,正擔心緊搵咩食物畀包囡時,一入房間,見到枱面放左幾個飯糰!實在太好啦!包囡都唔客氣~ 隻小手已經忍唔住啦~ 篤篤~ 房內個雪櫃放左少量飲品,仲有布甸!包生搵過唔見price list,打去front desk confirm可以隨便享用! 正!即刻開個布甸試下! 呢到實在太舒服啦,真係玩到唔想瞓!