woo~~~我地到左酒店喇~~上年我地國慶都有黎蛇口玩~~ 果時2歲幾咋~~果次就住Hilton~~ 由葵芳搭大巴去到深圳灣過完境搭10分鐘的士就到了 今次我地用另一個方法黎蛇口~~ 就係由屋企搭MTR去到落馬洲出左境後就CALL「滴滴」直接到酒店門口了 本來我地諗住早早黎到蛇口食早餐(Late breakfast)先開始玩嫁 不過發生了少少意外..就係大眼媽早一晚隻眼敏感...令到隻眼腫到一條線 第2朝就遲左起身~~再洗洗眼滴藥水休息多一陣 相對本來行程遲左一個鐘多d黎到蛇口 酒店外觀幾時尚~~依到距離海上世界唔需要10分鐘腳程 仲要係我地的埋大眼B既腳程...如果大人輕輕鬆鬆行應該係6分鐘就可以到了 我地今次主力玩海水世界~~所以目標真係要近~~ 近得黎又靜播~~因為依到係個小山丘之上~~少少斜路咁啦 大眼媽都行到~~~應該冇人行唔到了XDXD 係喇~~講番~~今次係想試「滴滴」既~~真係幾唔錯~~ D車好靚好新好乾淨~~因為大眼爸CALL左「專車」 專車係比較貴少少既~~車會靚D~車上有樽裝水供應 同埋司機係咁易會靚仔D~~唔係講個樣XDXD 係依著~~~恤衫、西褲、仲會打TIE添~~~ 感覺真係唔似係大陸~~~司機企理D手車都穩定D 我地係落馬洲關口過到黎南山區80幾蚊人仔~~ 你話高消費又得~你話抵又得~~都成35分鐘車程 係香港絕對唔會可以咁既價錢~~~ 而且依加大陸D路仲靚過香港...車又舒服、路又行到順~~ 真係坐車都有嘆既感覺~~~90零蚊港紙都抵既~~ 加上我地1家3口~再拎左一個中喼~同一部BB車~~ 一車過到門口真係好爽嫁~~ LOBBY幾靚播~~~燈光比較昏暗玩cool style~~(其實都幾慳電XD) 傢俬陳設好時尚好特別~~~ 如果依set sofa分開放~~~就會簡單左冇左特色~~ 放埋一齊一個圓形咁~~~品味格調即時高晒~~ 不過大眼媽唔敢行入去....因為怕會cake住唔出唔入...就好火羅了XDXD 成個LOBBY有大大水水既水池~~中央大個既大眼B就唔多夠高 對佢自然冇咩興趣~~反而大眼B走去玩小水池 因為D水既循環~~大眼B聽到有聲係入面傳出黎~~ 佢就好驚訝咁問~~「媽媽入面係咪有人,你叫佢出黎丫」 天花都做得好靚呀~~~ 我地上房先~~~~我地住左頂樓~~其實只係8樓~ 因依到依山而建低密度~~打橫擴展開去~所以最高都係得8樓 其實房間唔係太大~不過佢用晒玻璃同鏡做間格~~感覺係開揚左既 淋浴、浴缸都有齊晒~~~ 咁大塊鏡又真係增加到空間感既~~~ 床好大~~~~ 仲有個露台~~~ SO FAR都唔錯既~~~ 因為依到係一個小山丘黎~~所以望到既都會係樹~~感覺都幾舒服 大眼B發現了好玩既野~~平時電視搖控玩得多 冇估依個係可以搖控窗簾~爸爸係到消毒浴缸 大眼B就開開關關~~「有爸爸」、「冇爸爸」咁都玩一餐 狂玩~~~好開心~~笑到卡卡聲~~~ 當然依刻要制止佢玩啦~~我地要出去食野喇~~~ **************************************************************** 深圳雅詩閣美倫服務公寓 Ascott Maillen Shenzhen 3 Yanshan Road, Shekou Nanshan District