日落美景真係好靚~~係咪依到既天空唔同D??? 係香港總係見唔到咁靚既晚霞~~~~ 放假既天空真係特別美~~ 向我地既夜市進發~~GOGOGO~~~~ 終於到了~~依到唔係好大~~冇之前去既有成30幾檔之多 依到大概10-15檔到~~但依到D野仲好食 食飽飽後我地都會去開番個榴槤嘆一嘆 又係海鮮~~正~~~大眼媽最海食海鮮~~~ 包包、餅餅類當然係大眼B杯茶啦~~~ 即整的~~當然要幫大眼B入入貨啦~~ 仲有依個都要~~~ 依個都係~~~~ 好喇~~先買好晒野比大眼B拎左番埋位先~~大眼媽最出動去睇睇有咩食~~ 依到細細~~但好熱鬧~~去旅行感受當地氣氛係好緊要既事 熱情果VS柑桔 ~~兩樣都係酸酸的~~又係岩晒大眼B 睇下....大眼B既鬼鼠樣~~~好明顯係望緊野飲~~~ 睇中左熱情果~~佢奇怪一粒粒既係咩黎~~最初係吐番出黎 之後話比佢聽係食得~~可以咬咬~~佢又試下咬~~不過咬完唔鍾意 依個餅咸咸甜甜有D花生碎、卜卜脆同菜~~幾好食播~~~ 頭先既椰絲餅同蛋餅~~椰絲餅係軟係幾好咬口~內有用汁撈過既椰絲 好好食呀~~我食臨走前再買多一份返去~~~預大眼B一定會叫肚餓 蛋餅就冇咩特別亦都冇餡~只係麵粉水煎完卷起~~ 大眼B食得好滋味呀~~~玩到攰晒~~最好就係食~~~ 食完椰絲又轉食蛋餅了~~ 好出力~~~ 食極都唔夠~~~~ 整番個蜆先~~好惹味~~正呀~~~ RM 15 (HKD 30) 菜可能仲費過海鮮XDXD RM 10 (HKD 20) 依個蠔仔蛋超正~~~好多好多蠔~~仲要粒粒脹卜卜嫁~~~RM 12 (HKD 24) 好食過香港整既蠔餅好好多呀~~~ 雞羊串燒好好味~~~ RM30 (HKD 60)/ 20串 1隻雞脾4隻雞全翼~~ RM17 (HKD 34)整得好好食呀~~~ 好難形容~~佢燒得好乾身...但唔係乾到柴果隻乾~ D肉係好嫩嫁~~~隻雞翼好firm唔大隻好實淨咁 個醬汁岩岩好掛面包晒隻雞翼~~冇汁滴出黎 但又好夠份量唔慳皮 大眼B好鍾意食串燒~~第一日見到串燒唔識食..唔識扯舊肉出黎 依加叻叻喇~~見到成碟係到已自己伸手拎再放埋口吹吹就咬住一扯~~ 食野除左食落肚之外~~由唔識食到自己食到~~好有成功感~~ 一於咬得唔放XDXDXD 再叫多杯蜜瓜汁~~~又要試~~~ 你食雞脾啦~~~雞翼依D骨頭留番比大眼媽得嫁喇~~~ 由頭帶到尾....除左個蜆辣既唔比佢外...乜都比佢試晒~ **************************************************************** New Lane Street Foodstalls Lorong Baru, George Town, 10450 George Town, Pulau Pinang, https://goo.gl/maps/FTuWWcAwzSL2 大眼B Facebook