臨出發前諗下有咩韓國買既會好平 所以去SOGO兜左個圈....最HIT既係蔘液 但大眼媽好怕漿既質感....所以一見都冇興趣 所以就睇丸同粉啦~~~~大眼媽本身比較鍾意粉狀直入口 一般般既心情諗住買所以記不清價錢~~只記得要3字頭~~ 所以係韓國....計完係2字頭~~唔理喇~~買左先 本應想買多D既...但因為未食過怕唔岩食食唔到... 算吧~~~~2盒啦~~1盒又買黎冇意思嘛 返到黎香港同同事講我買左喇~~不過唔知抵唔抵~~ 最愛格價既同事係我不為意之下去SOGO問左價了 原來SOGO要$1063/3樽呀~~我真係平左好多 更平既係....香港版係60G黎嫁...而我係韓國買既係90G 即係變左無敵抵上抵呀~~~睇我計完依條數!!!! 佢指示係一日3次~~每次1G既 換言之....$2.96x3就係一日既價錢喇 $8.88~~乜咁好意頭呀~~~~ 而如果係sogo買...就會變左要$15.96 嘩~~~足足....一半呀~~~ 我初初食呢....就1日1次...第2日就1日2次...第3日就1日3次 so far~~~都冇乜大問題~~不過同樣唔係仙丹~~亦唔覺得有咩好處 蔘依加野要長期既~~~慢慢啦~~keep住叫做有d野補下 心靈都安慰d~~~我依d食無定時又乜都塞落肚既人... 真係好怕好多長期keeeeeeeep住既壞份子 蟲草...真係食唔起了~~~只富貴過一個月 就係坐月之月...日日幾條~~~~食晒就冇再買了 依個平平地又試下有冇好處啦~~冇特別好低level到我d衰野既 我已覺得賺左了~~~~所以比d心機食晒依2樽先~~ 至於恆心...我覺得ok播~~因為味道唔差~~有dd甘又香香地~~ 不過本身大眼媽係鍾意食中藥既人...所以可能會對於大眾人有少少偏差 so far 自己鍾意既味道都會樂意d食... 唔會次次苦瓜乾咁囉~~~有次...仲心思思可唔可以食第4G添~XD **************************************************************** 依個真係值得一買~~平香港咁多~~ 下次要去買多D先~~~ 丫~~計漏添~~因為有得退稅 退多$35, 為番每G即係$2.76 即係$8.28一日呀 真係買杯奶茶都唔得~~~ 大眼B Facebook