其實滅蟲公司黎黎去去都係幾種方法(treatment)去殺床蝨的。市場上都有幾種滅蝨產品既。等我逐一同大家講解下咩一回事。 係到我唔多介紹床蝨既習性,直接埋牙啦。 以我所知,個個朋友一開始覺得有床蝨都係噴下咩殺蟲藥水啊 滅蝨炸彈咁,但我想講最廢 最差既 就係用化學野去殺佢地,其他昆蟲可能得 但係床蝨一定唔得。 100分滿分我比25分 用滅蝨炸彈仲會令到客廳由無變有,令到佢地周圍去擴散全屋。因為根本殺唔死佢地,令到床蝨感覺到痛楚之後就周圍走。 所以千其唔好用啊。 你地如果唔想搵滅蟲公司住 想試下用自己方法解決的話 通常都係買滅蝨粉 ,矽藻土係最有效方法去滅絕床蝨。不過矽藻土都有過千種 所以唔同品牌都有唔同功效。 係香港出名d既係 滅床蝨粉 叫de粉 應該都好多人用過 依隻粉好壞參半,但係睇過好多評語啦 身邊都有朋友 同親戚 有過嚴重既床蝨問題 但都解決唔到,即係斷唔到尾 。 100分滿分我比55分。 雖然都殺左好多床蝨但始終keep住仲有,佢地死既時間太耐 。 總括黎講都殺到床蝨,但以我收集咁多資料要解決床蝨問題 要一隻都無 先可以。而且落完de粉之後 掂到會好痕 。 係香港都有一個新既品牌叫chinchex ,中文名叫千赤士 果名奇奇怪怪 haha 不過佢地歷史有d 神秘,好似係歐洲幾出名 。但我未用之前聽都未聽過。 不過chinchex 成效比較快,平均12日-16日 搞點 。我都係靠最後一間滅蟲公司 既treatment同依隻粉搞點床蝨問題。因我之前已經搵過2間啦。 依隻粉岩岩開始用會覺得痴立立,用左兩日又好似冇乜野。 佢成效最快,賣家話斷左尾可以留返D粉做預防,仲話唔清D粉10年內有效。雖然唔知係咪真,起碼佢真係有效既。 100分滿分比到85分 下回分解 滅蟲公司treatment