唔知大家會唔會有好多以下呢啲細嘅眼影 palette呢? 為咗令化妝時更方便, 唔洗分咁多盒... 啲色可以一目了然... 決定將佢哋 depot, 然後放入一個較大嘅盒度. 因為個較大嘅盒仔本身冇磁力, 所以需準備磁石或磁貼. 我響書局買咗磁貼. 用磁石或磁貼嘅好處係之後可以自由轉換組合或凈係拎一組出街都可以. 如果冇打算轉嚟轉去或拎出街嘅話, 可以用 AA膠痴實佢都得. 盒仔方面就用咗呢個舊眼影盒, 已經買咗好耐, 質素亦麻麻哋, 所以決定唔要佢. 撬咗個盤出嚟, 撬埋塊鏡.... 然後兩面都貼上磁貼. 某啲眼影係有隻鋁盤裝住, 果啲拆咗出嚟後, 貼塊磁貼響背後就得喇. 呢啲單獨嘅要小心啲, 如果屈到個鋁盤嘅話, 好易就會整碎啲眼影. 如果想救一救嘅話, 可以隔住張紙巾嘗試壓實返啲眼影. Kate / Lavshuca / Visee 果啲眼影盒 depot 會易好多, 只要響個內眶眶位置撬一撬就好易甩出嚟, 唔洗大力. 以上啲眼影盒底原來都係用同一隻膠, 黏黏哋, 但又唔會完全乾透. 黏力唔算強, 但又痴得住喎... 好喇, pop 哂佢哋出嚟! 背面都痴上磁貼. 就係咁喇! (擺好哂啲眼影先發覺個膠盒其實都幾重, 都係用住先啦! 環保哦~) 最後, 最好裁一塊膠片隔住兩邊, 保護一下, 咁啲粉就唔會周圍飛啦. 完成. ^^