韓風直捲香港好耐, 韓國既妝容一直係香港女生既模仿對象 今日就同大家分享下小編平時修一字眉既修法,同埋咩人適合一字眉啦~ 小編就係用好淺色既眉筆先框好一字眉既外框 再小心地將框外既雜毛拔左佢~ 眉頭位置: 小編習慣用眉筆,拍住鼻翼垂直, 去到眉毛既位置就係眉頭~ 而眉尾就係用眉筆由鼻翼開始,穿過眼角, 眉筆既尾部就係眉尾喇! 將框外既眉毛拔好哂,咁就會係下圖既效果~ 有啲sis有時想畫下一字眉,又唔想拔眉 咁就可以用遮瑕膏遮走框外既眉毛~ 畫一字眉時, 重點係要用蠟質比較輕既眉筆,又或者用眉粉 因為眉型較平,如果畫得太實色,就好易會變左「蠟筆小新」既粗眉style … 一字眉唔係個個都適合畫 因為一唔小心就會令臉型睇落更短同埋更圓 長臉既人最適合畫一字眉 因為一字眉可以縮短額頭同下巴既距離,令臉形睇落細啲 圓臉既sis就唔太適合一字眉喇~ 因為一字眉好易會令臉型變得更短、更圓~ 所以最好都係畫啲較有角度既眉型喇! 資訊由歐亞美創國際容貌協會提供。 http://www.eifca.com.hk/