超級開心!!超級開心!!超級開心!! (要講三次) 有乜開心得過公司樓下有正靚正既點心外賣! 以前喺旺角番工,成日跟同事去飲茶, 當 點心控 遇到 點心控同事,Lunch time去飲茶 真係好難得!! 重記得以前3個女仔可以叫足13籠點心,有人陪你放縱果刻係滿足、感動嘅! 幾日前發現左公司附近 嘅 點心外賣好抵食!!! 價錢由$10 到 $14 不等!!! 而且最正既一個地方係 早餐 同 午飯 時間都有供應 !!!!! 選擇非常多,普通既點心都有,外賣真係好抵食,又唔洗加一,唔洗茶錢~ 【 $14 鳳爪排骨飯 】 【 鳳爪排骨飯 】喺今時今日重係$14黎講,真係不得了!!! (Lunch time都係$14!!!) 難怪一到食飯時間就有人龍出現~~ 好彩我有主場之利先買到~ 份量同普通茶樓既飯差唔多,女仔一定夠食~ 飯內有1隻鳳爪 + 3、4舊排骨,D排骨幾大舊咖,重好入味。 不過D飯就硬左少少,但$14蚊,你重可以要求D咩??? 除左鳳爪排骨飯外,重有鹹魚肉餅飯都係$14,同樣搶手!!!! 【 $10 山竹牛肉球 】【 $14 蟹籽燒賣皇 】 【 山竹牛肉球 】<==== 大大力推薦 !!!! 10蚊大大舊真係好抵食! 而且重有3粒,新鮮熱「辣」,咬落口好鬆軟。 加埋喼汁,真係perfect池~ 外賣呀姐話好好賣,成日好快賣晒,不過師傅都蒸得好快,唔洗驚無~ 燒賣都係大大粒咖,而且重有足料~ 平日早餐都係食普通魚肉燒賣,食得多真係好dry~ 燒賣配牛肉球,真係好滿足! 【 $10 粟米肉粒粥 】 此外,重有揀粟米肉粒粥 ,暫時觀察左幾日都係同一款粥, 唔知之後會唔會有其他揀~不過我自己好鍾意粟米,而且肉粒份量都多咖~ 早上清清腸胃確係唔錯!!! 【 $14 珍珠雞 】 有次Lunch搶唔到飯,就轉投珍珠雞懷抱,雖然size唔大,但一份3小隻!! 入面有肉粒,冬菇、鹹蛋粒,打開同樣係熱「辣」「辣」咖~~~ 順帶一提,叉燒腸 同 蝦腸, 我都試過,同樣推薦! 不過我覺得叉燒腸 較抵食同足料,叉燒餡、芫茜鋪滿整條腸粉! 而蝦腸每條就有2隻大蝦。 同場重有$26燒味單拼/$28 雙拼~~~~ 外賣盒係唔洗另加$$$ , 真係好抵!!! 希望農曆之後唔會加價啦~!!!PLEASE!!! 窮 人 恩 物 金港海鮮酒家 觀塘鴻圖道48號1至3樓 ♥♥♥♥♥♥♥♥♥♥♥♥♥♥♥♥♥♥♥♥♥♥ ♥Follow Facebook: B.Yuetyuet ♥Follow ig : Byuetyuet ♥♥♥♥♥♥♥♥♥♥♥♥♥♥♥♥♥♥♥♥♥♥ 免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊, 請直接聯絡該品牌查詢或∕和尋求相關專業意見。 歡迎合作聯絡合作,Event、產品、食品、穿搭分享: bduckyuet@yahoo.com.hk ❤ FB 、❤iG、❤Blogspot ❤ OpenRice ❤ the Ztyle、❤She.com、❤ WeShare ❤Elle.com ❤BE 、❤uBlog、❤ iMore 、❤beautyQooza ❤BL、❤Salad 、❤ladyQooza