踏入11月又係一個CHUR爆既月份,無論係PROJECT定MID TERM都一次過係咁嚟,但忙裡點都要偷下閒,去CAFE舒舒服服食返餐抖抖先!於是喺學校附近搵到間Bubble Dream Cafe,順便幫個FD興祝埋生日! 做完PROJECT行到出去都成8點幾9點,間CAFE門口都仲有小量人排緊隊,但好快就有位。我最鐘意食青口,所以二話不說就揀左個酒煮青口扁意粉。而我兩個FD就叫左辣酒蒜片露荀鮮蝦扁意粉。三個人最後加多個甜品拼盤就完成餐生日飯:D 兩個酒煮意粉都好香,特別喺個辣酒煮意粉,一嚟到就已經聞到好香酒味同蒜片爆香左果種味道。個辣酒唔算太辣,連我呢個唔掂辣既人都可以食到,係對味蕾既刺激LOL 而個酒煮青口同個辣酒係相反既感覺,係淡淡酒味加新鮮青口,同我一樣喺「青口哄」既人記得要試! 試過出面有啲地方既青口係有雪味,又無酒味,但呢到食落去隻青口仲有小小酒香,唔會一早揮發曬,超正! Bubbles Dream Cafe尖沙咀麼地道67號半島中心地下36號舖