日期:10/09/2016 路線: (起點)東涌逸東邨->散頭->鱟殼灣->沙螺灣->散石灣->深石村->深屈->(終點)大澳 長度:13.4 km 需時:3小時50分鐘(12:45pm - 4:35pm)(包括休息時間) 交通: 前往東涌逸東邨:東涌地鐵站C出口巴士站搭38號巴士(最多人搭,班次最密) 離開大澳:大澳巴士站搭 新大嶼山巴士11號 路線參考網站:http://www.oasistrek.com/tung_o_ancient_trail.php 近幾個星期嘅週末都落雨,每次想出去既唸頭都打消。今個星期六終於忍唔住, 落住雨都要同朋友出去一遊。選擇路線主要以難度低及安全為重要考量,而且晚上 7點左右我要返到中環,所以放棄左去西貢的路線。 整條嘅古道,都係沿海邊而建,既有石屎路,亦有原始嘅山路。路嘅左手邊喺山, 右手邊喺海。 所以不但可以睇到啲村屋(有迨D無人住),山景(雨後會有雲霧纏繞山頭,仲可以睇到 海景同碼頭, 正在海上建造嘅港珠澳大橋。 到了靠近香港機場嘅位置,仲可以睇到飛機升降。 路途中稍為覺得攰嘅地方是有一段向上走嘅梯級。斜路不多。只是喺落雨天時要注意, 途中會行經一條小石橋,因為橋面與旁邊嘅河流位置非常接近,連日降雨帶來過多嘅河水, 水溢至橋面,過橋時捉着扶手慢慢走過去。我與友人還脫下鞋走過去,橋面唔跣,河水冰 涼,好正! 呢種天氣黎到大澳,人唔多,行得非常舒服,唔洗人逼人,慢慢行享受一下。點擊圖片放大 時間唔夠,食完豆腐花就離開。