日期:21/02/206 目的地:鳳凰山腰上的「昂坪」 起點:由「昂坪 360 救援徑」(又名昂坪棧道/東昂棧道)起步 最想做既野: 行下棧道嘅木橋部分 行山需時:2點至5點半(加上遊玩拍照的時間) 交通: 去程:東涌港鐵站C出口,走至近UA 東薈城 旁邊的巴士站:巴士:38號 喺 松仁路 (逸東邨) 美逸樓落車. 回程:係昂坪廣場搭乘往東涌火車嘅巴士落山(車程45分鐘) 行去起點嘅路線: 係東涌松仁路(逸東邨)美逸樓美逸樓落車,行到 裕東路,沿裕東路至行人天橋橋底行過. 直行見到右手邊出現指示牌指向侯王宮的路徑先向右邊的小徑行入去,經過啲破舊小屋之後就喺侯王宮. 行山路線: 東涌侯王官->東涌區康樂中心->沿東澳古道(途經建築物:香港遊樂場協會東涌户外康樂營-> 石橋->幾户民居)->沿昂坪360 救援徑 起點->3 號纜塔->4號纜塔->4號纜塔->5號纜塔->彌勒山 轉向站->6 號纜塔->接彌勒山郊遊徑->*分岔位:一邊去鳳凰徑第4段(可到寶蓮寺),一邊繼續接 着行彌勒山郊遊徑.我同朋友繼續接着行彌勒山郊遊徑->行到分岔位,左右的路都是彌勒山郊遊徑, 向右行落山,呢個方向會睇到遠方既心經簡林.->行到分岔位:行右接上 昂坪奇趣徑->見到 法門古道 ->見到 昂坪營地公厠->見到茶園餐廳->分叉路:行右邊的昂平路.直行5分鐘左右 就到天壇大佛的 入口 *注意: 因應行錯路的情況,路線不是網上普遍指示嘅路線 -------------------------------------------------------------------------------------- 呢個月去親郊區嘅天氣都喺麻麻地,呢次都唔例外,太陽你係邊...) ----------------------------------------------上山前可以係侯王宮附近遊玩下-------------------------- ------------------------------------------------------------------------------------ 由山腳行到3號電塔前,山路都較斜,新手慢慢行上去就可以,太chur身體可能唔舒服. 呢段路有部分係有樹遮掩,但後半段都係好開揚.令人最開心既喺,一轉身左手邊就會 見到香港機場,而且當日不知何故,好似陽光集中照住果度,特別光亮,天氣唔係濛濛地 仲靚.轉身望向右手邊仲開心,遠處有幾座山交叠一齊.幾座山既中間有車路綿延進谷. ------------------------------------------------------右手邊------------------------------------------- ------------------------------------------去到電塔可以同頭頂甘岩撞到既纜車影相------------- ------------棧道有啲部分睇落特別斜,但行落去並非甘恐怖,啲橋都好堅實吓-------------------------- -----------去到5號電塔,見到左邊有其他小路行去左邊山頭,而右邊則有小路去停機坪------ -------------------------------------------------------------------------------------- 最後去到大佛嘅時候,大佛前嘅閘就要上鎖.匆匆上去兜一圈,之後行去巴士站(近市集果邊) 搭6點15分既車離開.