兩天遊:大帽山+城門水塘

上星期(8/01)星期五,放工後即刻返屋企執野夜行上大帽山.

夜行大帽山係打算睇星星,第二朝朝早睇雲海,之後行落川龍飲茶,之後再經城門水道入城門水塘公園.

交通:係荃灣西鐵站坐51號巴士到”郊野公園”站落車(最後一班車(由荃灣西鐵總站開出)係11:30pm)

 

Day 1- 大帽山山頂

登大帽山路線:

圖片1

我地既目標:沿住大帽帽山道(車路,小心唷!)行上山頂.

搭51號落車後,轉左直行(直行右手邊見到第一個入口,果邊係去大帽山營地)

,之後見到馬路對面會有條斜路(果條係大帽山山道),過馬路,然後沿斜路行上去.直行好快會見到右手邊

有茶水亭同停車場.持續直行,會見到幾多車停左係路邊

——————-行到觀景台見到錦田等地方既夜景——————————-

P_20160109_003215_NT

其實呢度係車震聖地,

當晚我地唔小心聽到先知…

我無帶營帳,又甘早上山,其實好難捱到天光,果日係7點15分日出.但午夜時分,

係天文台大帽山氣象雷達站既閘口位已經見到大霧濃罩.着唔夠衫,帶左個唔暖既睡袋,情況悽慘.

山上比平地多一點星星,只是霧愈黎濃.愈近雷達站,只見粉紅色的雲霧在前方.

同網上既山友所講一樣,到了最高點,但也並不是最高點,雷達站關上大門,大家都無得再行上更高既地方.

果晚,訓左兩次,一次係閘口的路上找了個位置睡了約1小時,係地下鋪上隔熱墊,身上蓋上條大頸巾,雨衣,睡袋.

訓到凍醒之後再到閘口度搵個避風既地方訓.好彩,手上有暖水同酒,呢一夜先捱過去.

6點幾我地再行返上去山頂,行到一半見濃霧仍未散就落去.

————————-6點幾試下行上去山頂撞彩———————————————

IMG_4183

Day2  路線 大帽山停車場->橫龍村->川龍村:端記茶樓->城門河道->城門水塘

由大帽山行到川龍,根據地圖搵到一條小徑,於是由另一條路行落橫龍村再走到川龍.

大帽山停車場(好似係閘口附近),有個標示係去青年旅舍”施樂園”,沿指示行到盡頭,見到前面就係

青年旅社.唔好行去旅社度,向左轉之後就沿路行.向山下行,遇到指示無甘清晰既路可以睇下矮樹上

既繩接指示行落去.經過墳墓就到大水泥路,向左邊行,會經過兩個涼亭,之後見到下山路就向下行,

穿過民居,見路就行,見到開心坊就直行行出去村口,轉左就可以行到隔離既川龍村.

Day2  川龍村:端記茶樓->城門河道->城門水塘

飲完茶,行入川龍村,經過條橋,橋下既水流唔急,我地落左河道既石上玩左陣.

由橋直行行到山邊,轉左,有牌指示着”城門河道/”龍門郊遊徑”,只要沿路而行,

最後見樓梯而行就會落到河道既大道.呢條路沿路都無牌指示,而且路上既風景

都差唔多,感覺條路特別長,漫漫長路都知幾時行到盡頭.留意,想中途離開唔行落去,

就要留意右手邊有無樓梯口,只要見到有寫上落某某寺廟既都可以行落去,

落到再搵路搭車走.如果要走到盡頭,要有無比既耐性,沿途真係無乜幾個行山人士.

我同朋友行到成個人都呆呆地,去到盡頭,見到兩個指示牌.左邊係去蝴蝶園,右邊係去菠蘿壩.

其實蝴蝶園都係係菠蘿入口前小小既位置,我選擇左去菠蘿壩.

*如果可以係大帽山紮營/凌晨搭的士上山就可以唔洗好似我地甘捱凍.

無爐都可以帶保暖壺上去,飲熱水保暖.又或者帶酒飲幾淡暖身都幾好.

 

This entry was posted in 遠足. Bookmark the permalink.