蒸氣海鮮好似出左好耐,但一路都未食過,所以搵左間唔錯ge蒸氣海鮮去食。呢間「有蒸氣」係尖沙咀諾士佛臺再上少少,店位環境都唔差,坐卡位就比較好,而且店員係會一路服侍你,唔洗你自己蒸架! 點擊圖片放大 +2 ▲ 每日都有唔同ge精選海鮮 ▲ 酥炸墨魚頭 HK$ 98 熱辣辣好香口,胡椒粉味正呀! ▲ 招牌拔絲咕嚕肉 HK$ 128 酸酸甜甜,外脆內軟,份量又多,而且啖啖都係肉,好開胃呀! ▲ 竹串海中蝦 雖然顏色不太鮮,而且比較細隻,但食落又好清甜wor ▲ 蒜茸粉絲蒸扇貝 有辣有唔辣,食唔到辣ge最唔好叫辣,因為真係勁勁勁勁辣,辣到我食唔到扇貝係咩味... ▲ 黑松露蝦膠爙蘿蔔 又名花心蘿蔔,個底個蘿蔔係心型架,好得意。但上面黑松露就好重,我就唔太喜歡lor ▲ 黑松露海鮮蓉蒸千葉豆腐 HK$ 98 呢個賣相真係冇得頂,師傅刀功一流呀。中間就有南刀加竹苼,仲有黑松露,係幾特別ge,不過都係果句啦,黑松露味太重,食唔到豆腐味。 ▲ 花蟹 雖然都係細細隻,但肉同汁都唔少,啖啖都咁清甜 ▲ 蝦干豆卜蒸五花腩肉 HK$ 78 好香蝦醬味,肥瘦適中,又蒸得岩岩好,肉質彈牙,忍唔住都食左好多 ▲ 紅棗杞子蒸新鮮雞 HK$ 148 雞肉煎得好溝,而且好多肉,唔會好似有D店比好多骨你咁。而且配合紅棗杞子,鮮甜味出曬黎,果然我都係食肉獸,無肉不歡,哈哈。 ▲ 南瓜滑雞粥 食曬全部蒸野之後,其實都已經好飽,但唔好唔記得仲有個粥底,吸曬所有蒸過食物ge精華,再加上少少蔥花,成個粥都好清,但我略嫌個粥都係唔係好夠味,可能我都係中意老火粥掛。 ▲ 最後緊係有甜品,就係自家製ge紅豆糕,唔會太甜,好正! 免責聲明: 以上內容屬個人意見及感受,並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢。 如從而引起任何損失或法律糾紛,本人概不負責。 Contact Me: barbiewingyee@hotmail.com Facebook Page: http://www.facebook.com/barbiecblog Instagram: barbiecwy 歡迎找我合作試用、出席活動^^ Blogspot | TheZtyle | iTrial | Beauty Exchange | WeShare | U Blog | ELLE Blog | SHE Blog | Beautylife | Qooza | Pixnet | Salad Blog | Openrice