準新娘現身】官恩娜晒巨型鑽戒 醫生男友下跪 求婚

【準新娘現身】官恩娜晒巨型鑽戒 醫生男友下跪求婚

大溪地珍珠觀音娜嘅醫生男友Juan求婚成功,Ella又死會,大家冇行喇。下晝Ella就同洪卓立喺朗豪坊出席Uniqlo嘅新店開幕活動,左手隻巨型鑽石求婚戒指,仲閃過現場記者嘅閃光燈。

Ella話半夜先公佈,係因為啱啱收到喺巴黎拍攝嘅相,不過改細張相加埋唔知點用字公告天下先好,所以就搞到凌晨3點幾喇。

Ella仲話,求婚當日根本完全估唔到,因為阿醫生平時都好sweet,直到見到佢拎埋隻戒指出嚟先知,Ella話對方有下跪求婚,不過幾時發生同當中嘅細節就要留番做秘密喇。

自稱35年嚟都未咁開心過嘅準新娘又話,婚禮應該明年先會舉行,不過到時就未必大搞,最緊要兩家人齊齊整整,sweet sweet就夠咁話。

 

嘩好sweet ar~~~(心心眼)

This entry was posted in 護膚 and tagged , , , . Bookmark the permalink.