最近超火紅嘅cheese cake #巴斯克芝士蛋糕 媽媽我當然要試下整啦!真係好易整! 出爐已經好想食!不過忍忍先! 因為雪凍更美味!火速食剩1/3個^^ 材料: 1. 忌廉芝士 227g - 250g (室温放軟) 2. 低筋麵粉 25g 3. 糖 50g 4. 雞蛋 2顆 5. 淡忌廉 130g (小朋友食,建議改用牛奶) 6. 6寸蛋糕盤 1個 做法: 1) 200度預熱氣炸鍋7分鐘。/ 220度預熱焗爐。 2) 糖分2次加落忌廉芝士內,以廚師機/電動打蛋器拌勻。然後,雞蛋逐顆加入拌勻。 3) 加入淡忌廉拌勻。 4) 篩入低筋麵粉輕拌勻到無粉粒。 5) 蛋糕模舖上烘焙紙,倒入蛋糕糊。 6) 放入氣炸鍋以180度15分鐘,再160度10分鐘,最後200度3分鐘。 或放入焗爐220焗15分鐘, 轉200度焗15分鐘。 7) 最後取出待涼後,放雪櫃雪4小時,便可享用。(雪1晚味道更佳) notes: 1) 每個焗爐爐溫有差別,請自行調節溫度及時間。 #basquecheesecake #手殘都做到 #媽媽廚樂 #小b媽媽廚樂 #小b媽媽食譜 #二寶孕媽