繼續九州遊⋯⋯原定計劃去下關的唐戶市場食海鮮,點知——迷迷糊糊竟然去左中津(不過中津都好好玩:P) 為何又是這樣錯? 路痴點解會搭錯車?先睇睇由博多去下關的路線: 八八口傻傻地出錯嘅位,就係「小倉」轉車位!!!!對用北九州JR PASS的人來講,小倉駅 係一個迷路黑洞。因為「博多--小倉」段的新幹線係唔可以用九州JR Pass,所以喺小倉轉車、落車都要好小心,check清楚可否出閘。 Anyways,講返今日的迷路經過。因為八八口搭到去小倉,以為會原車(JR特急Sonic)轉去下關,所以冇落車。點知⋯⋯聽廣播架車突然去緊別府方向,心驚驚,即刻望一望Google Map,原來JR特急Sonic係去大分方向,心想: Shit,7咗! 知錯,當然要立即落車,因為落錯車總好過明知搭錯車都不願下來好。於是在最近的中津落車。由於時間已晚,由中津再去下關需要接近兩小時(OMG,太慢了)⋯⋯所以就臨時決定在中津遊覽。中津係一個美麗悠閒的小城市,沒有高樓,路上車輛不多,很安寧。 中津有咩玩? 中津最出名的景點係耶馬溪,睇睇Wiki簡介: 耶馬溪位於大分縣西北部,是日本最大的溶岩高地經山國川等河流侵蝕而成的溪谷。現在,以山國川爲中心遍及東西 36 公里、南北 32 公里的地帶,已形成了一個由雄偉溪谷與綿延的奇岩怪石所組成的壯美景觀⋯⋯ 站在深耶馬溪有代表性的景致之一“一目八景”的瞭望臺上,可以望到海望峰、仙人岩、群猿山、夫婦岩、觀音岩等八個岩峰群。另外,還有爲紀念耶馬溪水壩竣工而建造的面積約 2 萬平方米的溪石園、安放有 3700 多座石佛的羅漢寺,以及耶馬溪屈指可數的名勝同時又是紅葉勝地的競秀峰等,值得一看的地方不勝枚舉,令造訪耶馬溪的遊客流連忘返。 秋天的耶馬溪係九州楓葉最美之地。不過九月黎到,楓葉就冇,免費單車遊就有! 中津旅遊觀光局提供免費單車比遊客遊覽中津町。在中津站落車後,搵旅遊Booth問就可以借車,不過要影印Passport做認證,所以要記住帶護照! 拎車後踩車去中津城,順便沿路搵野食,正啊!體力充沛的朋友可以踩單車去耶馬溪,觀光小冊子話來回車程約3 小時。加上影相和遊覽時間,應該要預半日呢! 中津城有美麗的大鳥居,根據官網介紹,中津城係豐臣秀吉的參謀黒田官兵衛為平定九州而修築的城堡。城的輪廓呈扇形,因此又稱為「扇城」。這座從水閘將海水引入內護城河而成的水城,是日本三大水城之一。 城廓小小的非常可愛,旁邊還有中津神社供人參拜。重點!!!!中津城出面的鳥居和河岸影相非常靚!!!強烈推薦喪影踩車靚相!!! 回車站還車後太肚餓,所以在旁邊的烏冬屋食烏冬。味道簡單好味。有件非常趣趣趣的小事,有個喝醉酒的大叔竟然幫我哋埋單,受寵若驚之餘,又覺中津人很豪邁有趣!