圖片來源: 你估下 農曆新年剛結束時全亞洲等地都出現口罩供應不足既問題。 踏入二月尾,口罩的供應開始漸增,大家由"冇得揀"變到"唔知點揀"。最近亦有朋友問酋長應該點揀,所以我打算係到開心分享~ 有時我地正係睇佢有冇標準其實未必可以判斷到係現在既情況岩唔岩用,所以我建議唔好嫌煩去望真個標準係點。 宜家主要既口罩標準有兩種,工業用既就跟NIOSH (N95, P100果類),醫學用既就主要跟ASTM (有BFV, PFV果類)。 NIOSH 入面既口罩之所以可以用係因為物理層面上可以隔到比飛沬細既粒子,包括細菌。佢既準則係用0.2微米既粒子去試,最少95%隔到就叫N95/P95/R95,英文字頭就係代表粒子或者環境氣體既屬性,N就係一般,P就係油性,R就偏向酸性。冠狀病毒既大小係0.07-0.14微米,理論上N95既標準唔保證隔到但實際上個病毒會痴住個有5-10微米既飛沬,所以都當佢可以隔到,其實有d自欺欺人。如果你話個目的係要隔飛沬,一般可以隔PM2.5粒子(2.5微米)既口罩已經足夠。 ASTM佢有三個層級,而區分層級既criteria有5項其中得2項同過濾效能有關: 1.細菌過濾效率(BFE) 用3微米既金黃葡萄球菌試佢。 2. 粒子過濾效率 (PFE) 用0.1微米既粒子去試,甘既大小叫做合理d話可以隔到病毒。 另外幾樣就係佢既抗飛淺,可呼吸度同阻燃性,層級愈高,佢既抗飛淺效能愈大,同時個可呼吸度都會下降。 ASTM F2100-11 Standards ASTM Level 1 Mask ASTM Level 2 Mask ASTM Level 3 Mask Fluid Resistance, mmHg 80 120 160 BFE ≥95% ≥98% ≥98% PFE, @ 0.1 micron ≥95% ≥98% ≥98% Delta P, mm H20/cm2 < 4.0 < 5.0 < 5.0 Flame Spread Class 1 Class 1 Class 1 之後亦都有引申出過濾病毒效能(VFE), 用直徑3微米痴左d可以感染大腸桿菌既病毒黎試,甘樣去扮病毒痴左飛沬既過濾情況,有埋呢個數會更加好,更加話到你知呢個口罩隔到病毒。 KF 94 果類係韓國既標準(KF Korean Filter),意思係隔94%0.4微米既粒子,所以用黎隔飛沬都可以,隔病毒既效能我諗佢係差過NIOSH標準(N95果類) 如果你要好嚴謹隔埋條條fing既病毒,可以買到跟ASTM標準既就買,買唔到次選就揀可以隔飛沬既NIOSH標準既豬咀配N95/N99/P100既filter/濾罐,再買唔到就普通可以裝PM2.5 filter既布口罩/KF94果d, 再買唔到就活性炭口罩算。 當然如果你只係求安心,甘咩野款都得。 選擇豬咀既朋友就小心d揀同埋正確地用、保養。豬咀有時有d配件唔包,或者filter冇貨,要清楚有咩配搭可行先買。另外,豬咀以及其他有呼氣活塞既口罩都係會直接將配戴者既飛沬輸出。豬咀係用黎保護健康既人,如你有病就應該用番surgical mask去保護番個環境。