韓國裸妝好多時都會帶俾人一種亮白同水潤感覺...而韓國人大多數都會用氣墊粉底化妝,到底氣墊粉底有幾好小妹都要試下先~ 今次要試嘅氣墊粉底係THE FACE SHOP控油水潤氣墊粉底SPF50+++ (Oil Control Water Cushion)... 到底好唔好用一陣就自有分曉,未介紹之前講下少少產品資料俾大家聽下啦! 控油水潤氣墊粉底一盒就可以控油,而且為肌膚帶有水潤,透白感覺,當然仲可以遮瑕同防曬添! 控油水潤氣墊粉底內蘊含澳洲塔斯曼尼亞純淨水及意大利礦物含氧水,可以保濕、注氧及活化細胞功效,肌膚層層水潤,妝容更貼服自然,改善乾燥小皮屑造成的卡粉及脫妝問題。 當然唔少得仲有玫瑰花粉末、蜜柑果皮萃取、控油複合物,可以抑制及調節肌膚油脂分泌,長效控油,收細粗大毛孔,持久清爽不油膩,輕易塑造啞緻裸妝效果。 還有提亮及維持肌膚清爽嘅棉花籽,抑制黑色素,補給水分,滋養肌膚。 打開粉盒就見到有內置鏡面,好大塊鏡,可以照到全面呀! 而且入面仲有The Face Shop嘅粉撲,粉撲好柔軟,撲上面應該好舒服~ 之後下面個層就係氣墊粉底啦! 由於第一次打開,所以見到有層保護膠保護,小妹習慣都會Keep住,減少粉底液散發機會~ 見到同平日用開嘅好唔同,因為有油分複合物及粉末複合配方,所以粉底以不同形狀大小的細密粉末製成,可以均勻遮蓋面部瑕疵,水嫩不結塊,底妝更輕、更薄、更透,妝容持久細滑無瑕。 小妹係手上試下感覺先~ 上手感覺好薄好滑,小妹輕輕拍了兩三下就可以,而且好水潤但又唔係膩笠。 可惜小妹膚色較黑,所以用杏米色可能會變得偏白,但其實仲有自然米色,相信如果膚色偏黑都有選擇! 用上面上真的有點過白,但可能係小妹用份量比較重手~ 但感覺唔會有厚重妝感,而且好清爽,真係好薄...小妹要撲上小小碎粉試下個感覺先! 上完碎粉個膚色回復平衝,其實用作打造底妝十分好! 經過全日Outdoor活動,面上完全無出油溶妝情況,控油做到不錯,而且亦無乾同浮粉,Keep到水潤感覺,補水效果不錯~ 總捨而言,水潤感一流、控油做得不錯、而且薄透妝容好易就可以做到。 只係杏米色比較適合白色肌膚朋友打造裸妝,膚色偏黑就可能要用自然米色! The Face Shop 控油水潤氣墊粉底SPF 50+++ 杏米色 15g HK$200 Colourmix卡萊美獨家發售 文章介紹為個人喜好及用後心得,不同人士各有喜好,體質亦各有不同~ 是次產品由theZtyle.com提供, 而產品成分轉自Colourmix website 想知更多產品資料可以Click入Colourmix Facebook 希望大家會鍾意小妹分享,小妹仲有其他Blog,FB Page及IG,歡迎大家去睇~ Blogspot|TheZtyle|Glamablog|Elle|Ulifestyle|BL|BE| Weshare |iTrial |Pixnet |Openrice|Youtube