☞嚟關西主要地區遊覽,例如大阪,京都等地方,一定要有張周遊券旁身,咁就可以慳唔少錢! ☞關西地區都推出好多款嘅周遊券,特別係前往京都,大阪,神戶地方,只要因應自己行程需要,再買相關嘅周遊券,咁可以慳唔少旅費喺交通方面。 ☞關西地方最主要嘅交通係鐵路,基本上鐵路網絡非常完善,。關西嘅鐵路都分咗好多唔同公司營運。不過,作為遊客最重要淨係記得兩類公司就可以。 ☞第一類就係JR,全名叫JAPAN RAIL。係一間全國性營運鐵路公司,而關西地區就屬於其下嘅JR西日本公司經營。第二類就係私鐵,即係私營鐵路。簡單嚟講唔係JR公司營運嘅鐵路全部都叫做私鐵。 ☞分呢兩大類嘅重點係關西地區周遊券通常一係由JR公司發出,一係幾間私營鐵路公司合作出一張周遊券。最大特點分為兩類係因為大多數JR周遊券係唔可以搭私鐵嘅鐵路,而相反私鐵周遊券亦都唔可以搭JR列車。 ☞因為日本有好多同一個車站係唔單止一間鐵路公司營運,所以要知自己所持嘅周遊券同埋要搭嘅列車係屬於JR公司定係其他私鐵嘅公司。 有關各種關西地區嘅鐵路周遊券可以CLICK入去睇。 周遊券名稱(可以CLICK入去睇) 鐵路營運公司 適用範圍 / 可到達嘅旅遊熱門地點 Osaka Visitors' Ticket 大阪市營地鐵 適用旅客:前往大阪市主要旅遊區 全部大阪市營地鐵路線 道頓堀,心齋橋,難波,天王寺,日本橋,黑門市場,梅田,大阪港,大阪城 Kyoto-Osaka Sightseeing Pass 京阪電鐵+南海電氣鐵道 適用旅客:前往京都市旅遊區 八幡宮,宇治川,平等院,清水寺,伏見稻荷。 道頓堀,黑門市場,通天閣,心齋橋,梅田,天王寺,日本橋,黑門市場,大阪港,大阪城。 Himeji Tourist Pass(姬路旅遊券) 山陽電車南海電氣鐵道 適用旅客:前往神戶市+姬路城 姬路城,舞子公園,須磨浦公園,神戶及三宮購物地點。 關西機場站往難波站。 Hanshin Tourist Pass 1day 阪神電鐵 適用旅客:前往神戶市 神戶及三宮購物地點。 難波,梅田。 Kintetsu Rail Pass 近畿鐵路 適用旅客:前往名古屋+奈良+大阪 道頓堀,日本橋,黑門市場,黑門市場,伏見稻荷,清水寺,東大寺,春日大社,奈良公園, 興福寺 ,吉野山,伊賀,伊勢神宮,名古屋,名古屋城,Oasis 21 JR關西地方周遊券 JR西日本 適用旅客:前往環球影城,大阪,神戶,京都,奈良 環球影城,天王寺,大阪城,梅田,京都,神戶,三宮,和歌山 奈良公園,大津,米原,敦賀,關西機場 JR關西廣域地方周遊券 JR西日本 適用旅客:特別前往和歌山+白濱+岡山 環球影城,天王寺,大阪城,梅田,京都,神戶,三宮,和歌山,奈良公園,大津,米原,敦賀,關西機場 天橋立,串本,那智,城崎溫泉,岡山,高松,倉敷,白濱 ==================== 外部連結 ==================== 青青一個人制霸日本47個都道府縣 (12/2014 – 12/2016) ☞ 自己係一個普通嘅香港打工仔,趁後生三十歲前,自己無咩負擔嘅時候,訂立一個目標去,兩年時間內 (12/2014 – 12/2016) ,分開17次時間,唔識日文情況下,自己一個人遊歷日本47個都道府縣。 ☞ 網址:https://blog.ulifestyle.com.hk/blogger/ao37182/?p=2922849