牛池灣美食

2019年10月8號

今日去左牛池灣街市熟食中心 三合茶室 飲茶, 叫左排骨盅頭飯,燒賣,一個义燒飽同埋出名既潮州粉果. 粉果D饀都係粉葛,花生普通野,但粉果皮就煙煙韌韌.粉果好食. 排骨飯OK.燒賣和叉燒飽就可以唔駛試. 尤其係叉燒飽,飽皮好厚叉燒饀又少.

嚟呢度都係諗住食風味,不過好失望. 唯係一讚服務態度好. 如果我再嚟牛池灣,不如試下隔離牛池灣鄉既 新龍城茶樓 或者 新志興,起碼呢兩間外觀真係有七,八十年代風味.

山長水遠嚟到,無理由食完就走,如同阿媽嚟,可以係隔離牛池灣鄉買餸,如同小朋友食完就可以係街市門口搭26或27號巴士去到順利消防局落車牌(10鐘),車尾行前少少就係 佐敦谷公園 . (可以行下草地同玩搖控車)

 

玩完就原站搭返26或27號去安泰邨,食埋海記既沙沙合桃糊就PERFECT, 唔稀,稠稠地又唔太甜,加埋粒粒合桃有咬口,鍾意合桃糊點會唔食沙沙,我覺得好食過佐敦發哥食果間.

This entry was posted in 中式食譜 and tagged . Bookmark the permalink.