近兩年不自覺地愛上食辣, 每餐都會沾點潮州辣椒醬, 上星期六,便約了朋友到 旺角【捌壹壹】來辣一辣… 當晚人來人往,客似雲來, 幸好有訂位,否則無緣品嚐。 店內有主菜+打邊爐及多款惹味川菜, 可自選辣度 (走辣、BB辣至大辣)。 當晚叫了其中好幾款,回味非常! 由於未知辣度會否強勁, 故先叫兩杯飲品打打底: 杞子菊花蜜 (HKD22)、 蜂蜜雪梨茶 (HKD18)。 口水雞 (HKD58) 肉質嫩滑又唔辣, 作為前菜最適合。 炸小饅頭 (HKD28 / 6個) 新鮮熱辣,外脆內軟, 沾點煉奶,味道更佳。 雜錦香鍋 (微辣+孜然) (HKD148) + 日式蟹柳 (HKD38) 送來時香噴噴,大大鍋! 內有肥腸、大蝦、餐肉、 土豆、蓮藕,以不同辣椒 將所有材料一拼炒至乾身, 微辣+孜然,惹味又香口, 配饅頭或白飯,同樣適合。 當中最愛爽口的大蝦 及厚切外脆的午餐肉, 確實會食過番尋味! 蜜桃沙冰 (HKD32) + 藍莓沙冰 (HKD32) 享受惹味期間,當然要飲返杯, 所以叫了美味沙冰,透心涼, 又唔會太甜,解渴解辣一流! 黑糖糍粑 (HKD25) 飯後甜品少不了, 見餐牌有推介黑糖糍粑, 於是叫來試試, 賣相好似炸牛奶條, 上面舖了黃豆粉, 另可沾附有的黑糖醬。 口感外脆內煙韌,有點像麻薯, 沾了黑糖醬,味道會更出, 由於味道唔太甜,於是您一條, 我一條,不自不覺便會食清碟。 叫了整枱美食,都只是400+蚊, 味道及服務態度都不錯, 值得下次再來。 參考資料:- 捌壹壹811 Sichuan Cuisine 地址: 旺角奶路臣街33號地下F號舖 電話: 2481-3030 本文章之全部內容均屬個人意見及感受。