箍牙記(三)

終於有時間完成箍牙紀錄最後一篇。我已經拆箍啦,心情真係好激動,終於同箍牙妹say bye bye!

自從箍牙記二之後,其實進度係比預期慢,因為大既郁動都完成後,原來埋尾先最煩。

首先中線一定要對齊(圖一),係基本野,各位箍牙朋友可以自己留意下,醫生有無幫你對齊中線先放生你。然後就係咬合(圖二),上下咬埋大牙,每個牙既咬合位對唔對。醫生到最後係不停微調,只要仲未對位,就算望落已經好齊,就算你好想拆箍,醫生都唔會放過你,但堅持終會完美。宜家成日露齒笑,唔洗再遮遮掩掩。

(圖一)

(圖二)

箍完牙後係一定要好好咁配戴固定器(retainer)。原本已經包左一副透明retainer(好似隱形牙箍咁樣),人地完全睇唔到你戴左,但我自己就麻麻鍾意,因為講野會有d黐脷筋,但我工作成日需要講野。另外仲有兩種選擇,一個係鐵線固定器;一個係舌側固定器(fixed retainer)。我簡單總結下三種既分別:

隱形固定器-可拆除,隱形,需定時自覺配戴,配戴時間不足會導致牙齒再次移位。

(圖片來自網絡)

鐵線固定器-可拆除,可見鐵線,需定時自覺配戴,配戴時間不足會導致牙齒再次移位。

(圖片來自網絡)

舌側固定器-不可拆除,隱形,無阻説話,適合懶人,牙齒再次移位的機率最小。

(圖片來自網絡)

有好多人細個箍完牙,之後又亂反,都係因為箍完牙無堅持戴retainer。用左咁多時間箍牙,我絕對承受唔到d牙再亂反,所以請梁醫生幫我做埋個fixed retainer。日頭我就成日偷懶無戴透明個副,夜晚訓覺先戴,宜家都好好無移位,咩都食到。不過醫生係建議頭半年要full time戴,之前係夜晚戴,頭兩年比較重要,之後可以自己判斷,如果牙有郁動,最好夜晚訓覺都係戴反。

大家箍完牙都唔好好似我咁偷懶,真係唔想亂左又要再重箍。

接落來我會開始做美白牙齒,如果大家想睇,我都可以寫反個記錄。

好啦,所有箍牙記已經完晒,以後有咩問題可以繼續留言,我會盡量抽時間回覆,多謝讀者們既提問,希望資料幫助到大家箍牙順利。

 

 

This entry was posted in 個人, 健康, 其他, 其他 and tagged , , , , . Bookmark the permalink.

4 Responses to 箍牙記(三)
  1. 2011137 says:

    你好,想知醫生資料及了解細節價錢,謝謝。
    personnehk1@gmail.com

  2. Venus Yip says:

    你好呀,想知醫生資料,可以email我嗎?
    venus1610@ymail.com

  3. a9988108 says:

    請問所cool牙價錢?

  4. Flora Li says:

    恭喜箍完~見到你d牙咁齊真係好心動 期待你美白牙齒個分享XD

Comments are closed.