傳統牙箍 vs 隱形牙箍

我箍牙基本上已經進入左最後幾個月,所以無好大既分別或進度可以分享住,好期待最後拆箍再出箍牙記(三)同大家分享。如果想睇我當時點選擇牙醫同一年幾既進度可以睇反箍牙記一及二。

題外話,話說終於比梁醫生發現左我打blog,因為最近真係好多人搵佢,所以我又要講多次,文章純個人分享及個人意見,而且梁醫生無介紹人優惠,你地寫我都無用lol

返黎正題,因為我收過好多email同身邊人問我到底箍傳統箍好定隱形牙箍好,而且發現有好多人竟然係比醫生誤導左,所以好想分享一下自己收集到及親身體驗到既資訊,希望幫到唔知點選擇既朋友仔。

其實我初初都係想箍隱形牙箍,結果就係醫生唔建議我做,當時醫生話因為我需要剝牙,隱形牙箍比較容易出問題,而且可以講係好難埋尾。每個女仔都貪靚,邊個想變箍牙妹呀!都係因為咁所以我拖左好多年都無開始箍牙,直到隱適美興起,我決定去整靚D牙。做過好多research,其間都無咩資料顯示隱形牙箍既缺點,所以我諗大部分人都會以為傳統箍同隱形牙箍既分別只係美觀同價錢唔同,但其實時間同效果都可以好唔同,當然醫生技術係最重要啦。

我之前就睇過forum有人分享箍隱形牙箍,最後埋唔到尾又要轉醫生,結果新醫生話佢個case根本唔適合做隱形牙箍,所以箍牙前consult多兩間對比下好重要。我曾經就係澳洲做過第一次consult,個專科牙醫好詳細講過隱形牙箍既問題,我返到香港後都同樣問過梁醫生我可唔可以箍隱形牙箍,佢既講法都係一樣,一個係專科牙醫,一個係讀緊矯齒專科既牙醫,我仲點會堅持呢,所以最後都係做左傳統箍。

 

傳統箍牙: 金屬牙箍; 陶瓷牙箍; 自鎖式牙箍等。

傳統箍牙的圖片搜尋結果

(圖片來自網絡)

我自己就箍緊陶瓷牙箍,因為唔想咁明顯,但如果你唔係好介意,其實最傳統既金屬牙箍係屬於比較便宜之選。

優點:

  1. 整體時間快,因為成個進度完全受醫生控制,由於牙箍固定係牙上面,你無可能自行暫停個進度。如果有剝牙,通常兩年左右,無剝牙正常會更快,當然嚴重case就另計。
  2. 價錢一般比隱適美invisalign便宜(除非你去箍雜牌隱形牙箍,或者傳統陶瓷牙箍等)。
  3. 適合任何case,而且可以做得更精準,包括嚴重咬合問題或者好多細節位都做到比較完美既效果。
  4. 傳統牙箍歷史悠久,其實就算矯齒專科既牙醫都係更有信心利用傳統牙箍去做矯齒,始終臨床經驗多好多。

缺點:

  1. 外觀問題,相信呢個都係隱形牙箍會興起既原因,好多人都好介意比人見到自己個牙箍。
  2. 相對比較刮嘴,而且容易攝野(飯後要注重清潔)。

 

隱形牙箍: 隱適美invisalign(所用物料有專利認證) ; 仲開始越來越多雜牌隱形牙箍(唔清楚佢地係用咩物料,同有無醫生跟進)。

隱形箍牙的圖片搜尋結果

(圖片來自網絡)

非常多普通科牙醫提供隱形牙箍,其實除左因為宜家真係好流行,好多普通科牙醫無足夠矯齒知識去判斷你既case適唔適合。

優點:

  1. 隱形,不易看見,外觀上的確優勝。
  2. 可以自行除牙箍(但都係其中一個缺點),咁樣刷牙或者食野都更方便。
  3. 清洗牙箍方便。

缺點:

  1. 時間長,由於好多因素都唔受牙醫控制,所以整體箍牙時間可能會拖到三四年,最誇張見過有人係YouTube分享自己箍左七年><“
  2. 成效靠病人控制,由於每日需配戴足夠時間,所以需高度自律同有恆心既人先可以順利完成,而且戴得夠唔夠貼都係靠病人控制,經常出現既情況就係因為牙套唔夠貼而要將原先既牙套都重新訂過。因為牙齒已經不如理想進度,需要新牙套。
  3. 唔太適合剝牙或嚴重case,好多情況會出現大牙箍到傾斜而咬合唔到,最後要上反傳統牙箍去埋尾(呢個問題,我聽過唔止一個牙醫都咁講)。
  4. 隱適美價錢比傳統牙箍貴。

總括黎講,傳統箍適合任何人,除左外觀唔靚,但箍牙時間較短,而且效果好。隱形牙箍比較適合牙齒問題不大,而且自律同有恆心既人,我見過身邊幾個朋友箍完,都真心唔靚,d牙好似仲係好飛出去咁,但我都見過網上面有箍得靚既,自己身邊就無啦。如果決定箍隱形牙箍,建議選擇隱適美invisalign,始終物料可靠安全,但無論選擇咩方法都好,牙醫技術同專業知識一定係最重要,如果搵唔識做既醫生,無論咩方法一樣會好危險,唔好為左便,而攞自己做白老鼠。

以上純粹個人建議,請問反你既專業牙醫,邊種方式更適合你自己。

This entry was posted in 健康, 其他, 其他 and tagged , , , , , , , , , , . Bookmark the permalink.

18 Responses to 傳統牙箍 vs 隱形牙箍
  1. joce says:

    Hello! 非常感謝你既詳細分享呀!!
    想要更多關於醫生既資料,另外想請問費用詳情 (分期付款, 第一次付費, 覆診, 剝牙, 補牙費用)
    請email至:
    joce_wing@hotmail.com
    麻煩你喇, Thanks a lot!

  2. 琪琪 says:

    * 好多謝你既分享 講解得好詳細 我都好想箍牙 希望你可以再講埋最後箍牙既成果圖 想知你笑既時候會可會露牙肉?*
    * angel-12345@hotmail.com * thx

  3. Shirleylo0614 says:

    想知資料同價錢 thanks
    lochuishanshirley@gmail.com

  4. Twinky Leung says:

    想要醫生資料同埋價錢,thanks:)
    ycleung0709@gmail.com

  5. miesy says:

    謝謝你分享,我希望要梁醫生資料,感激
    mia.yeung@yahoo.com

  6. ccccyhello says:

    thank you!

  7. ccccyhello says:
  8. fafa333 says:

    Hello:)我都想知醫生資料同價錢啊,謝謝你!
    email: floral55137@gmail.com

  9. Vivian Lee says:

    Hello:)我都想知醫生資料同價錢啊,謝謝你!
    vivianlty210@gmail.com

  10. nikibbbbb says:

    你好,想要醫生資料同價錢,thxxxx
    email:cooneyli8030@gmail.com

  11. Puishan Wong says:

    想要價錢同醫生資料,thanks!!!!
    wpshann85@gmail.com

  12. winniejaii says:

    您好,可唔可以SHARE醫生資料同埋價錢呀,THANK YOU:)
    fungntk2@gmail.com

  13. Angelchunggg says:

    想要價錢同醫生資料,謝謝你!!
    wawachiiiii@gmail.com

  14. wings says:

    想要醫生資料同埋價錢,感謝!!
    wingsum0629@gmail.com

Comments are closed.