不知不覺已經箍左牙大半年, 身邊越來越多人問我關於箍牙既野, 原來真係好多人唔知點搵醫生, 所以當係出篇自己既箍牙日記, 希望都幫到其他人。 其實已經諗左幾年先決定箍牙, 宜家唯一後悔係無早d開始。一開始同大家一樣, 上網查下邊個醫生好 (但唔知邊個真,邊個係打手), 仲返大陸問過 (小機構既醫生信唔過, 大機構又仲貴過香港), 咁岩個朋友箍完, 效果好好, 於是即刻問佢攞醫生資料預約consultation。 我係係梁x恒醫生到箍牙, 有兩間診所做, 我去開西環個間。第一次上去都檢查得好詳細 (比起之前個d, 望兩眼講兩句就收錢好好多), 而且詳細分析反我既情況, 要如何配合面型等等, 唯一令我需要考慮既係醫生唔建議我做invisalign (隱適美), 因為我上排有d哨牙問題, 下排牙又唔齊, 無位比d牙排返齊, 如果唔mor牙就一定會更哨, 我箍牙主要都係想改善面型輪廓, 所以傳統箍最有效幫我改善問題。題外話, 其實真係唔係每個人都可以做invisalign, 新聞都見過唔少出事, 建議大家一定一定一定要搵可靠醫生, 唔好貪便, 牙齒係自己ga!!!!!!!!! 考慮左一個星期終於開始箍牙生涯, 我揀左陶瓷牙粒, 比起鋼箍無咁明顯。我mor左四隻牙, 不得不提梁醫生mor牙超快又一d都唔痛, 我之前真係驚左好耐。然後開始上陶瓷牙粒, 第一個星期係一定會痛既, 需要時間適應, 牙箍磨嘴可以用膠粒, 唔夠可以問醫生攞。每次調教完會酸痛兩三日, 基本上我一個月時間就完全適應左牙箍同每次調緊既酸痛。每次梁醫生都好有耐性同我講解我既情況, 做到邊一步, 拉緊邊隻牙, 點解要做呢步先, 全部都好清晰。我都幾肯定唔係個個醫生都咁詳細同你解釋, 因為我有個朋友都箍緊, 十問九唔知咁, 完全唔知自己d牙發生緊咩事。加上我好準時覆診, 所以進度好好, 已經箍左十個月, 一年內可以完成啦, 有機會再update箍完個樣。 之後同梁醫生傾開計先知, 原來佢讀緊矯齒課程, 即刻覺得自己賺左 。 下面所有相係我一開始到宜家既進展, 建議大家都可以自行記錄, 自己望到每個月都有變化會更有恆心堅持落去。宜家我塊面明顯細左 (側面睇已經唔係好哨啦), 牙又齊晒, 好期待拆牙箍, 打算到時係梁醫生到做埋牙齒美白, 每個女仔都想擁有又齊又白既牙齒。各位箍牙既朋友仔, 加油! 如果各位想搵梁醫生請pm我啦,因為我都未問過醫生可唔可以公開,純粹個人分享。