日日留喺屋企,媽媽我可以捉實Alfred 同佢爸爸兩個胃! 今次見到雪櫃有雪糕,咁就整個熔岩朱古力心太軟比爸爸做飯後甜品啦!自己整,隨時可以食之外,雪糕仲可以加多幾球添,爸爸表示大滿足!而媽媽我就乖乖食椰汁黑糯米,一樣超級大滿足呀! 《熔岩朱古力心太軟》,份量2-3人 材料: 1. 家庭裝雪糕 2. 50%朱古力 150g 3. 牛油 150g + 約10g牛油溶液(塗抹焗杯用) 4. 雞蛋 2隻 5. 糖50g 6. 低筋麵粉 50g 7. 朱古力粉 小量 8. 糖箱/ 水果 適量(裝飾用,可省略) 做法: 預熱氣炸鍋180度5分鐘。 將焗杯底部及周圍均勻塗抹牛油溶液及均勻地灑上小量朱古力粉。 朱古力及牛油用小火隔熱水座溶,直至朱古力及牛油溶解混合,離火後,放涼備用。 將雞蛋和糖於乾淨的盤上,用電動打蛋器打發至顏色發白及蓬鬆狀態。 將步驟3的朱古力牛油溶液倒入步驟4中,用膠括拌勻。 篩入低筋麵粉入步驟5的混合物中,拌勻至無顆粒狀態的麵糊。 7. 將麵糊倒入焗杯中,輕搖數下拍出空氣,放入已預熱的氣炸鍋中。 先180度焗5分鐘,再160焗2-3分鐘 9. 灑少許糖霜,配上生果/雪糕裝飾,即成。 備註: - 爐溫視乎不同品牌及食材大小而需作出適當調節。 ================================= (以上資料更新至撰文當日) 聯絡電郵: alfredbb325@gmail.com 最近開始玩IG,歡迎追縱:allaboutalfred 最近開始玩YouTube,歡迎追縱: allaboutalfred 追踪更多育兒生活分享,請按 Alfred 成長日記