ee,我發高燒wor! 一起身就有想嘔既感覺,全身發冷,但額頭可以煎蛋 按schedule,我今日應該要坐車返格魯吉亞了,wei 咁既狀態點返ar...... 都唔理啦,而家最重要就係飲杯熱茶食個靚早餐快d食藥! 民宿既日常阿塞拜疆人早餐雖然只是麵包+唔同芝士+唔同果jam ,但味道著實不錯! 可惜我真心無胃口,夾硬好慢咁塞d澱粉質落肚再食藥算了 點擊圖片放大 係餐桌上發呆左一個鐘,藥力發作終於精神返少少,一於執野走啦! 反正我係度又係訓,交通返Tbilisi既又係訓,最多用銀兩換輕鬆,再次的士返去算啦 別過民宿女主同佢老豆,出大街轉右去返Theater外,來到第三日啦,當然知道d的士佬會係度打墩啦~ 喂又係你呀圓臉的士佬!!!!????阿陳生你係特登係度捕我定真係無生意到咁呀??? 見足你3日咁有緣,我呢轉last既長途的士都非你莫屬了! 當然,有緣還有緣,價係不能不講的,一論攻守10分鐘,終於都係來時果個價35manat = $161 但我計少左樣野,就係佢又Ninja上身.......好想嘔呀........... (又要出動呢張相啦,Ninja!) 雖然佢ninja左好多次,但最後都係不知不覺訓著左,要佢拍我先知到關口 身上的manat其實只剩下幾蚊碎紙,我留低都無用,就當tips一股腦兒比哂佢,大家開心地影張相就同呢位過客講byebye了! 阿塞拜疆既行程亦暫到呢度為止! Sheki 並唔算好精彩既地方,不過遇上既人真係好好呀!! 步行走過邊境後,再次回到格魯格亞,講左好耐價先可以用返45gel = $160 坐的士返Tbilisi,仲要唔肯入old town要我自己坐地鐵去Liberty Square再行去斜坡上既青年旅舍Pinn Hotel (而家改左名叫 Aseana Hostel) 而家諗返,究竟發緊高燒又孭住大背囊既我點會無暈低ga呢?? Anyway, 下晝4點來到hostel安頓好,沖個熱水涼食多之藥就係咁訓訓訓訓訓訓訓訓訓了....... 點擊圖片放大 +4 醒下訓下,訓下醒下,到夜晚9點幾總算覺得好左d了! 肚子餓,去左之前韓國少女Summer介紹的餐廳,Tripadvisor上排頭60名的格魯吉亞菜餐廳Racha Dukhan 病成咁,應該食清d ge ~ 但係,格魯吉亞菜有「清」呢個字ga 咩??? 煎炸燒烤…….多油厚肉……定律嚟ga ma! 於是係頭腦不清發神經既情況下,我竟然叫左個鐵板肉丸炸薯條底,d油仲要成寸厚....... 結果,我用自己既身體去證明 -------- 發燒感冒同食熱氣油膩野係無衝突的~ (係好油好肥好濃味,但加埋可樂都只係廿五蚊港紙,抵到傻!) https://en.tripadvisor.com.hk/Restaurant_Review-g294195-d3378818-Reviews-Racha_Dukhan-Tbilisi.html 食完飯,咪講咁多,快手快腳去旅行社book聽日tour後,返hostel食藥繼續訓! 希望聽日可以無事輕輕鬆鬆去玩啦! 下回Day9繼續 (幾乎全日都無做過野無影過相,只有呢張ja) =================== 相關文章 : 《格魯吉亞背包行 - 出發前資料大全集》 《格魯吉亞背包行Day1 - 夜遊第比利斯》 《格魯吉亞背包行Day2.1 - 漫步第比利斯》 《格魯吉亞背包行Day2.2 - 公共浴場奇異見聞錄》 《格魯吉亞背包行Day2.3 - 半山城+初試格魯吉亞菜》 《格魯吉亞背包行Day3.1 - 雪山下的仙境民宿》 《格魯吉亞背包行Day3.2 - 冰川獨行@Mestia》 《格魯吉亞背包行Day4 - 烏樹故里,那僻遠村落中的僻遠村落》 《格魯吉亞背包行Day5.1 - 係咁ee睇下Kutaisi》 《格魯吉亞背包行Day5.2 - 一支公hostel天台BBQ》 《阿塞拜疆背包行Day6.1 - 司機傻更更 (#過客列傳13)》 《阿塞拜疆背包行Day6.2 - 熱心老伯有性格 (#過客列傳14)》 《阿塞拜疆背包行Day6.3 - Sheki市區與遇上的女士們 (#過客列傳16)》 《阿塞拜疆背包行Day7.1 - 與鬍鬚型男上山記 (#過客列傳17)》 《阿塞拜疆背包行Day7.2 - 城外小村Kish與飲飲食食在Sheki》 ==================== Email : funggarcia@gmail.com Instagram : https://www.instagram.com/fung_garcia/ My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!!