10月時已約定慕尼黑班朋友係12月13日去紐倫堡Nurnberg及海德堡Heidelberg玩三日兩夜~ 由萊比錫出發都只係3個鐘巴士左右,其實我慢慢鐘意左坐Meinfernbus呢間巴士公司 又舒服又方便,有時仲快過坐DB火車!而且車費比Bahn 25 card discount左仲要平一大截! 車站遍佈大部份德國主要城市,甚至部周邊國家例如瑞士蘇黎世都去得到! 所以只要你唔易暈車浪,我極度推薦用佢嚟係德國城市之間移動! 網址係 : www.meinfernbus.de 講完旅遊資訊啦~ 講返紐倫堡呢個地方,除左腸仔同大審判,最出名就係佢地既聖誕市集啦! 之前聖誕市集篇都提過,紐倫堡有號稱全德國最大既聖誕市集,當地人甚至自傲佢地既Christmas market is the best,其他全國既市集都係抄佢地的 見妳講到咁利害,就睇下有幾勁! 不過聖誕市集一向都傍晚開始先有feel,咁就上城堡望望啦,都係有名既景點 個人就覺得麻麻地啦,最有趣既,都係遠方釣架上的聖誕樹........... 城堡腳下就係Christmas Market,但正如之前都講過,真係名過其實 要比較的話,裝飾氣氛都未夠特別,食物乾貨紀念品的種類都不太多 最抵死係主舞台上夾band唱聖詩既,感覺係窩打老道街坊福利會crossover太安樓互助委員會d friend,即係“唔啦間”無夾過就出show ar! 真心講德勒斯登果個實在正太多啦! 不過果杯火焰Gluhwein真係好飲到我而家仲記得! 至於正宗紐倫堡腸又真係好好味! 之但係$30 3條又好似太貴,去超市$25 14條返bnb住宿自己煎~ 又腸又啤酒又豬扒又火腿又零食又雪糕,5個人吹水吹到天花龍鳳,過左極開心既一晚! 點擊圖片放大 +5 時間所限,第日朝早行完個無咩行既handjob market,呀係handwork market先岩,就坐巴士出發去海德堡啦 雖然此行感覺紐倫堡名大於實,但我諗都同我無咩時間認識佢既歷史文化有關,有機會做足d功課先再嚟啦~ ar我未睇紐倫堡大審判tim! =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪