Mountain long water far咁用6€由Dresden坐巴士到萊比錫Leipzig呢個德東部經濟文化古鎮,就係為左呢杯啤酒! 呢杯啤酒叫Gose,同一般德國啤酒係造法上有極大唔同! 德國自15-16世紀開始就有所謂“純酒令”,即係限制左釀造啤酒只可以用麥芽,啤酒花,純水同酵母太郎嚟做 但Leipzig呢度卻可以括免於呢條法例(唔知點解,有待查證),於是就有左呢一種口味與別不同既Gose beer啦! 係咪好勁呢~我全部係旅遊書度抄返出嚟ga~~~~ 至於口味方面,的確有一種古怪香料既味道,而入喉時又有趣地有些微鹽鹹味,當地人話佢地都未必個個鐘意飲,但我就覺得非常不錯啦! 聽聞仲有加雲尼嗱,威士忌等口味既ver. ,可惜由於酒量同銀包重量既關係未能盡試,留返個理由比我再嚟啦~ 講返呢個城市,我stay左兩日,發覺真係幾有趣 由於有深厚既文化歷史,所以有非常多舊式藝術建築,有些少東歐同德勒斯登feel 但同時又因為東德既封閉,至近廿年先再次復活,於是就出現歐陸風,東德樸實和現代主義三種建築物同冶一爐的市中心啦 另外唔知係咪咁岩je,連續兩日一收太陽就即刻起大霧,一條街遠已經朦朧不清 而室內都係朦朧不清,因為我去左間比室內吸煙既餐廳!!!! 頂唔順,最後寧願凍死都好過食二手煙飽死,於是出現左雪條食意粉,食物食食物既奇景 呀仲有,呢碟就係豬扒篇題及既豬肉乾意粉啦 一點擊圖片放大 +2 去開柏林旅遊又有時間既,呢個城市的確值得一到的,而且舊城區外好似仲有好多河流公園等待發掘呢~ 聽日會去紐倫堡同慕尼黑既朋友會合同遊,期待! =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪