CK,捷克小鎮Cesky Krumlov既簡稱,整個小鎮被聯合國教科文組織列入世界文化遺產 係慕尼黑識既一位backpacker向我極力推薦呢個小鎮的,之前我真係完全唔知佢係乜家伙,乜捷克唔係得布拉格ja咩? 但佢同我講呢個鎮比布拉格更靚,既然係咁,一於坐3個鐘student agency巴士去捷克南部一窺其龍與鳳! 到埗後,咪巴士站一個,有咁巴之閉je,好!行上山搵hostel係邊先~ 一上到個小山丘,即刻忍唔住講左句粗口(教師都係人,係會講粗口ge),wei使唔使咁靚ar!!!!!! 原來呢個Cesky Krumlov舊城區係比一條S形河流緊緊包圍住,而整個鎮又充滿歐陸式建築,加埋而家秋天 翠綠群山,靜默流水,赤黃落葉,古樸鄉城,伴以落日晨曦,河畔倒影 1個字 : 贏哂 點擊圖片放大 +6 係呢個咁靚既地方,同係斯洛伐克既Zdiar一樣咩都唔使做ar(my blog第十六章) 行下舊城區,上山睇日落,係河邊坐低飲杯hot wine寫下blog寫下postcard 對住咁靚既環境過咁悠閒既生活,我都忍唔住由原本打算住兩日變左住足4日 有朋友話呢度冬天會有另一番感覺 唔好啦.........冬天已經plan左好多地方要去.....好忙ar..........但又好想再嚟ar....... 點擊圖片放大 為免破壞文章既意境同完整(乜有意境咩!???),有兩則無聊事就寫係呢度 : 1. 呢度有間山洞內既餐廳,現場炭火即燒各種肉類,而且多數大份量,隻炭燒豬手成個蜜瓜咁大,港幣不用$100......好抵ar.... 2. 呢度有好多韓國,日本,大陸既旅行團及自由行,即係原來我無聽過Cesky Krumlov又只不過係我大鄉里.......... =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪