旅程來到第9日,今日book左tour去另一個格魯吉亞非常著名既靚地方Kazbegi! 有外國blogger話Kazbegi同Mestia好相似,兩者去其一就得 不過我份人最唔信邪,眼見為實,特別Mestia咁靚,如果同level的話點都應該去望下啦~ Kazbegi 其實可以好簡單地minibus自己去的~ 之不過呢個tour會一程車包埋幾個「靚景值得一到」但「自己揾車嚟一嚟睇一睇好無聊」既hea唔耐景點(有無人明我講緊d乜???) 所以想輕鬆簡單d唔想辛苦,比兩舊幾專人車你+講解都係好事,特別係岩岩病好9成既我 呢個市內有名既旅行社Holidays in Georgia既Kazbegi tour每日朝早由Tbilisi出發,但由於太出名(幾乎市內的hostel既地圖都係佢地供應的),所以最好都係早一日book定先好 點擊圖片放大 +3 廢話少講,出發啦~ 第一站首先來到Ananuri! 基本上呢度既古城堡古教堂等等你咩都唔使理,只係望呢個景,夠哂啦!靚呀! 好啦係咁ee都講兩句啦~ Ananuri大致上由一道圍牆+兩座城堡組成,當中又有兩座教堂,可追溯至17世紀左右,簡單嚟講都係果d軍事防禦要點,你搶嚟住一陣我又搶返嚟hea下果d……. 由於我落筆時睇睇下d資料訓著左,所以我決定唔講lu~~~~~~~ 總之,呢度風景靚就everything alright啦 (寫得真係求其….…..) 點擊圖片放大 +7 第二站滑雪勝地Gudauri~ 5月啦,滑條鐵咩,咪睇下呢個含布豐富鐵質礦用質的山中湧出溫泉law~ 呢個Mineral Springs過癮之處係可以手腳並用爬上去影相,仲有d似用糞便造成的棉花堡(what!?) 導遊話鐘意既可以飲返啖索下d天地靈氣 o習o習o習……….鐵锈味極重,非常不好飲! 雖然咁先係正常,但都係試過就算了 其實都幾奇怪,全世界咁多溫泉,黠解係日本果d特別可愛ga呢……(我又崇日了……) 點擊圖片放大 而第三站.........唉咁講好煩呀~ 其實程車沿路經過既地方都好鬼靚!望住由冰雪分割而成的綠草山谷,2-3個鐘既車程一d都唔會悶! 相係影得唔太好,大家意會下先啦~ 點擊圖片放大 +4 遊完個高山遊完個谷,終於來到Kazbegi啦! 第一件事唔係上山睇果座國家地標既教堂而係去食飯?? 導遊話由於山上人多+餐廳膳食製作需時,所以要我地order左先,一陣玩完落山後就有得食 即係話要成3點幾先有飯食,而食完飯就開始回程,呢d咩古怪安排嚟? 我就話去旅行捱慣餓ok je,點解其他團友都咁堅ge??? 而午餐係自費的,我見個menu價格仲貴過Tbilisi old town果間Tripadvisor名店.......ee點解我條頸有道血痕ge?………. Kazbegi呢個地方其實只係一個起點小鎮,一切重點就在於山上的Gergeti Trinity Church~ 呢座建於14世紀既既教堂獨自聳立於海拔2170米高既Kazbegi山上,被四周的巍峨雪峰包圍 由於風景太靚,離Tbilisi又唔算好遠,所以自起好開始幾百年來都大受遊客歡迎! 甚至連宗教更替及共產政權都無將佢摧毀,已經變成格魯吉亞既國家地標! 而所謂既地標,全世界都有一個共通點,就係好x多人呀……不論影相個角度點樣遷就都無用,總之周圍都係好x多人呀….……. 點擊圖片放大 +5 周圍多人都有樣野好ge,就係好容易就搵到人幫我呢d獨身背包客影相! 對住個咁靚既景,自拍點夠,唔留返個背影限定倩影都對唔住自己啦~ Ee~ 呢位阿生手持米加粒子炮,全副影相武裝高低跳躍左影右影好pro咁wor! “Excuse me can you take a photo for me?~” 影完之後 ---------- “Excuse me would you mind take one more, this angle, this level, thank you !” 再影完之後 ---------- 我個廣東話既D字音幾乎爆左出嚟……… 雖然話自己影相都好弱,但你一身全武裝ZZ高達既造型但出鐳射大炮既效果,我好難唔講粗口wor! 之後搵過另一對對影相好有要求的情侶都只係由50步去到100步……… 點解………點解搵個人幫我影相都咁難…….今個trip 人地幫我影既全身相真係無張好野…… 終於體會到獨行有咩唔好處了…… (我影,已經唔係好) (zz高達影,我頂) (另一張弄圖小情侶影既,好少少) (都係果句,我真係要認真學下影相呢........) 之不過,呢處風景真係靚得好緊要 初春的白雪在連峰頂慢慢溶化,在山腰刻上一道道銀色烙印,而四周無盡的山坡則綠草青青,站在古老而神聖的教堂邊緣,感受那被群山包圍的渺小感,亦有「獨自在山坡,高處未算高」的滄落瀟灑之感…… Ee點解突然我會想食雪榚ge? 山下面有個少女wor……… 點擊圖片放大 +3 係時候講下上山既方法了,最主要都係坐當地既白色/黑色四驅車 由於山路難行,我地坐嚟果架mini-bus係絕對上唔到的,目測普通自駕私家車都無咩可能夠力上果條佈滿大舊亂石既單線雙程大斜坡,所以果班四驅郎絕對係獨市生意,唔掹大個獅子口就假啦! 我地就話tour fee包埋,聽聞自己包架車要6-7舊水港紙,有無咁過份ar?? 更過份既係,班本地司機只會比你stay 30分鐘係上面!!!! 我地全團人都抗議,就算話加錢都無得留耐d! 我地導遊話因為呢班司機只靠呢樣野維生,車多轉就可以賺多轉,阻佢搵食佢當然唔會制啦! 雖然古語有云「搵食je犯法ar」,但我地山長水遠嚟到見到個咁靚既風景,竟然只可以stay 半個鐘?? 點可能唔失望ar! 不過,有一剎那,可能係我多心,見導遊眼神中閃過一絲的狡猾…….我開始懷疑係佢自己唔想留咁耐only………… That’s why你地見我d相有d hea,因為根本就無時間慢慢仔細咁研究,幾乎係影左就算,教堂配雪山既signature photo無做唔到! 最後拍個快片記錄左就要走人了! 唉……..真係好想訓係呢個草地睇返幾粒鐘藍天白雲ar……… (呢個山岳,呢個草地,應該要訓一輪啦......) 如果想避免重蹈我呢種慘況,最好方法都係用自己架11號車! 導遊話上山其實唔算辛苦困難,快既行個半鐘左右已到,即係同上獅子山差不多je~ 唯一要注意係白色四驅行過時塵土飛揚,上到山個人應該黃左…….. 點擊圖片放大 (講起「我黃左」呢3隻字,一定會《大丈夫》諗起呢一幕) 3點幾落返山,終於有得食lunch 果間殺人不見血既餐廳質素比想像中好,但我唔知點解又叫左個”蕃茄煮牛腩碎”呢d咁屋企味道既野,我想試稀奇古怪既格魯吉亞菜呀! 好彩同枱夫婦既女方原來係回國尋根既格魯吉亞人,對於有咩好野食非常熟悉,更重點係佢地唔覺意叫多左好多野食! 於是就變成大家開心share~ 都算幾開心既一餐~ 回程時瞬間天陰落雨,算係好彩啦~ 仲咁岩係Gudauri時停雨可以係山谷上影兩張相,叫係完滿啦~ 不過,好凍呀……………….. 點擊圖片放大 +2 就係咁,呢個Kazbegi One Day Trip完滿結束~ 睇既野其實係幾靚ge,導遊既講解都唔錯,但最重點既Gergeti Trinity Church實在留得太少時間了! 所以建議可以的話都係唔好跟團自己去好d! 至於同Mestia比較,我覺得真係好唔同wor! Mestia係夢幻仙境,Kazbegi係氣勢山景,不可混為一談 再簡單d講,嚟得格魯吉亞,就去哂佢啦! (始終都係鐘意Mestia多d~) 下回係格魯吉亞遊記既last day了~ 敬請期待~ =================== 相關文章 : 《格魯吉亞背包行 - 出發前資料大全集》 《格魯吉亞背包行Day1 - 夜遊第比利斯》 《格魯吉亞背包行Day2.1 - 漫步第比利斯》 《格魯吉亞背包行Day2.2 - 公共浴場奇異見聞錄》 《格魯吉亞背包行Day2.3 - 半山城+初試格魯吉亞菜》 《格魯吉亞背包行Day3.1 - 雪山下的仙境民宿》 《格魯吉亞背包行Day3.2 - 冰川獨行@Mestia》 《格魯吉亞背包行Day4 - 烏樹故里,那僻遠村落中的僻遠村落》 《格魯吉亞背包行Day5.1 - 係咁ee睇下Kutaisi》 《格魯吉亞背包行Day5.2 - 一支公hostel天台BBQ》 《阿塞拜疆背包行Day6.1 - 司機傻更更 (#過客列傳13)》 《阿塞拜疆背包行Day6.2 - 熱心老伯有性格 (#過客列傳14)》 《阿塞拜疆背包行Day6.3 - Sheki市區與遇上的女士們 (#過客列傳16)》 《阿塞拜疆背包行Day7.1 - 與鬍鬚型男上山記 (#過客列傳17)》 《阿塞拜疆背包行Day7.2 - 城外小村Kish與飲飲食食在Sheki》 《格魯吉亞背包行Day8 - 交通日暨大病日》 ==================== Email : funggarcia@gmail.com Instagram : https://www.instagram.com/fung_garcia/ My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!!