上回講到得到神秘老伯之助,我終於來到Sheki市內唯一的Tourist Information Centre 開門既,係一位眼大大、鼻高高、輪廓深且身型窈窕的美少女,一開門就用流利既英文同我講 : “Welcome! I think you must be Garcia! Nice to meet you! I am Gunay!” 聲音同頭先電話內既一模一樣,我而家先sure自己真係嚟岩地方了! 簡單寒暄兩句,已經發現呢個阿塞拜疆美少女非常熱情開朗~ “Gunay in Azerbaijan means Sun and Moon, so many of friend just called me Sun Moon~” 像是月亮又像太陽~ 告訴我方向~ 幾咁詩意既名字啊~ “I heard your situation, this place is not easy to find right?~ Don’t worry! I will help you~” 呢個笑真係像龍卷風吹過,怎可對抗這吸引ar~ “Ah~ Do you want some sweet? Azerbaijan candy?” 妳個樣已經好sweet~ 唔使糖都甜到漏啦~ You are my sugar baby~ “haha I just engaged~ Traditionally Bride-to-be need to share some candies to others for blessing~” ……………………………………………………….. 果然,我邊有咁好死…….艷遇呢家野,從來沒我份………. 不過,無艷遇唔代表無朋友 人生中總會遇到某一D人,相識頭5分鐘已經知道大家係同一類型勁岩嘴型! 我同Gunay兩個由一入門口開始就雞啄唔斷! 原本都只係講下我岩岩發生既奇人奇遇,吹下吹下,再講到阿塞拜疆文化、香港文化、婚禮習俗,再引申到個人喜好、生活趣談、戀愛情事…… wei我原本係嚟呢度囉地圖ga ja! 點會變成咁ga?? 有趣地,我地就好似一對失散多年既好朋友,傾到完全唔想走~ 「ee出面落雨wor」「係呀呢個城市係咁,一陣就無事」「咁ar,我地繼續傾啦~」「好呀!~」 最後係個中心度傾左粒幾鐘,如果唔係佢要收工搵未來老公,分分鐘未停到tim ar! 不過,我地都交換左whatsapp,仲報左聽日既Horse Riding tour~ 所以聽日見啦~ (even到而家我地都間唔中傾下偈的~ 佢既Wedding將於19年春天舉行,Gunay話想我去,但睇嚟都無乜機會,唯有遙遠地祝福佢啦~) (Gunay的故事同時出現於 《#過客列傳10》https://goo.gl/7ispHZ,以上既當係補充啦~) 下晝4點幾啦,我而家先正式開始行Sheki呀! 第一個目的地當然就係我身處既Sheki Palace Khans啦! 呢座皇宮係當年阿簡生既夏季行宮,大約已有200幾年歷史,係Sheki最具代表性既建築,特別Consultation Room更加係招牌所在! 之不過我開始發現我繼教堂疲勞症後既另一個問題,就係「清真寺暨波斯建築無反應候群」,簡單d講就係去完伊朗後對所有同類型物體都得個 ”哦” 字無呢反應 Wei大佬呀…….伊瑪目清真寺、鏡宮聖陵、粉紅清真寺……..呢d真係好超越ga wor……….. 你見完哥斯拉都即刻覺得獅子老虎無咁恐怖啦 另外有一個要比錢入場既museum,我問過經過既遊客話無乜野睇,所以又可以慳返2 mamat了~ 點擊圖片放大 +13 呢個palace我印象比較深既,似乎都係呢間製造波斯式五彩玻璃窗既店舖 當我純粹行過時,即將開車走人既店主熱情既招我入去,仲慢慢explain呢種香港少見既窗係點樣整 開頭我以為佢係想sale野,但又真係到最後佢一句叫我買既聲音都無wor! 可能係我自high緊,不停將佢個窗puzzle 咁起完又拆拆完又起唔show佢啦~ 不過真係有趣同靚既,有一瞬間都諗過買回家,但當諗起我間豆腐膶屋企同細小既背包……… 再見啦大叔!!!!!!!!!!!!!!!!!!!!!!!!! 點擊圖片放大 1個鐘唔使行完palace,沿曲折古老的石路向下走,來到另一個古蹟Karvansaray 話說Sheki係古代絲綢之路既一個重要驛站,呢處就係其中一個驛站住宿位了! 聽聞大致上都保留左當年既面貌,我就覺得呢度比岩岩既Sheki Palace Khans更有睇頭了! 點擊圖片放大 +9 Karvansaray而家已改裝成酒店對外開放,內亦有茶館和餐廳,個feel係唔錯的~ 正當我想入去飲杯茶食個包時,我聽到一d我無諗過會聽到既野 -------- 廣東話????? 有兩位女士用同樣詫異的目光望住我,大家既反應都係「呢個偏僻國家既偏僻地方既然都會有香港人???」 原來佢地係一group香港既私人旅行團,由一個經驗豐富既老者做領導自己帶一班朋友由5個斯坦果邊玩過來,岩岩行完市內返嚟酒店食飯休息~ 開講有話「佢都係我同鄉」wor,有時同聲同氣係岩嘴形d ge~ 於是又係度吹一輪水! 今日究竟係第幾次遇到有趣既過客而吹水唔停呀????? Anyway啦,兩位女士Carmen and Momo真係非常友善,唔止比我參觀佢地間房係咩樣,仲請我食野tim! 我今日除左Gunay粒糖外全日無食過野呀!! 無佢地既補給我真係死ga啦! Btw, 以酒店嚟講,個內部真係幾有趣,充滿異族風情外仲有d住山洞feel tim~ 如果我一早知道有呢間住宿可能我都會選擇! 以上想法,直到我見到個洗手間為止 7舊幾港紙公廁既質素,仲要多蚊,我放棄了 點擊圖片放大 +3 一直吹水到近7點我先離開~ 繼續沿大街Mirza Fatali Akhundzada走返落市中心,總算叫做可以漫步下呢個城市了~ 講真,有趣的不多,喜愛的只有一間賣特色燈既店舖,後來發現呢種樣式係伊斯蘭世界非常易見,不過,靚就得啦~ 店主仲要無出聲比我影個不亦樂乎~ 點擊圖片放大 +5 雖然話今日講左咁多野,但唔知點解對腳都係會攰,日落之際,就比我坐係路旁享受下餘輝啦~ 無乜野特別風景,無乜野特色建築,但這麼一個古城道上的夕陽,已令足夠令我念念不忘~ 點擊圖片放大 +4 天黑了,係時候搵野食~ 去到市中心由Gunay推薦的餐廳Çələbi Xan,話係遊客必去+好味 睇門面,真係無得輸,坐底就覺得金玉其外 露天座位多蟲多蟻,食物細碟,價錢唔平,味道普通,食完非常不滿足兼不滿意,聽日都係搵過第二間好d…….. 至於食左d乜,過兩日#環球美食吐槽區 再講! 點擊圖片放大 食完飯都10點幾,條街都無乜野行,返歸訓吧啦 細想返今日,真係奇人奇事多到嘔,妳只地見我一日既事分3篇嚟寫就知啦! 聽日去騎馬行山tour,期待呀! 希望唔好又有咩怪事發生啦~ 當時我係咁諗的………………. 事實係,我又太天真了…………. 下回繼續! ====================== 「旅途上總遇上很多過客,相聚也許只是一刻數秒,此生不復相見,卻在你的生命中留下永恆的印記」 #過客列傳 係小弟facebook page一個專寫旅途上一面之緣朋友小故事的系列,多數只係百零字講幾句,今次因為這些過客同行程經歷關係太大,所以再獨立成篇。 今次呢個故事由於太過長又同我個行程有太關係先放埋係度~ 如有興趣,可以入下面呢條link睇下其他 #過客列傳 舊故事ga~ 當然like埋我個page就最好啦! https://goo.gl/bjBrm3 ====================== 相關文章 : 《格魯吉亞背包行 - 出發前資料大全集》 《格魯吉亞背包行Day1 - 夜遊第比利斯》 《格魯吉亞背包行Day2.1 - 漫步第比利斯》 《格魯吉亞背包行Day2.2 - 公共浴場奇異見聞錄》 《格魯吉亞背包行Day2.3 - 半山城+初試格魯吉亞菜》《格魯吉亞背包行Day3.1 - 雪山下的仙境民宿》 《格魯吉亞背包行Day3.2 - 冰川獨行@Mestia》 《格魯吉亞背包行Day4 - 烏樹故里,那僻遠村落中的僻遠村落》 《格魯吉亞背包行Day5.1 - 係咁ee睇下Kutaisi》 《格魯吉亞背包行Day5.2 - 一支公hostel天台BBQ》 《阿塞拜疆背包行Day6.1 - 司機傻更更 (#過客列傳13)》 《阿塞拜疆背包行Day6.2 - 熱心老伯有性格 (#過客列傳14)》 ==================== Email : funggarcia@gmail.com Instagram : https://www.instagram.com/fung_garcia/ My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!!