浸完溫泉叉足電,又可以繼續上路,向山頂女神像進發啦~~~~ 去探女神既方法有二 : 係溫泉區行上去or返Rike Park坐纜車上 前者約行半小時,後者單程都只係比約10零蚊港紙,用Metro張卡do就得~ 我呢d懶人,梗係纜車啦~ 點擊圖片放大 纜車站一落車可以分左中右3條路~ 左邊既城堡係下山路,一陣先行 ; 直望係玩高空滑索,港幣一舊水ja! 即刻有衝動去馬! 但一見果個山頂纜車既速度……..呢d game唔係火箭咁快先好玩ga咩…..即刻無興趣…… 所以首先行既係右轉上斜既小市集~ 條路可以飽覽整個Tbilisi Old town既美景,有時間既話,加返杯咖啡or紅酒,個feel立刻upgrade 100%! 不過時間我無,唯有自拍下算啦 點擊圖片放大 +2 (有時間既係度嘆返杯紅酒就爽了!) 再向前行會見到女神像~ 連呢樣野都同布達佩斯似到十足! 但有一個最大既唔同位 ----- 山上係無位置睇佢正面ga,即係山下睇係會靚角度過山上睇的 所以,似乎大家係呢度都係想打邊爐多d 走回左邊既城堡係下山路,沿路一直疑惑邊條路可以上到城堡高處呢?? 無位入ge?? 攪到我幾乎要學謝天華單手爬上去 行到尾先知原來要去到有d遠既山下位先有道正門入去,但當時已經無乜太多時間可以花係城堡上了,要趕今晚9點9火車呀! 反正過幾日都會返嚟Tbilisi,快手影兩張相,過幾日返嚟再睇過啦~ 點擊圖片放大 +4 高速落返山,去到尋晚所講好好feel既King Erekle St.,隨心揀左呢間Cafe Restaurant Kala~ 揀佢既原因,好簡單,有feel law~~~~~~~~~~~ 有睇落溫馨既露天卡位,裝修又有心思,門口仲有Tripadvisor獎狀,應該唔太差掛~ 來到後第一餐正正式式既格魯吉亞菜,當然要食d local野啦~ 點左Veal ribs with 唔知係乜Adjika Georgian hot sauce,waiter解說係”ribs with spicy mayonnaise ” 落單後先發現……….um………….呢個組合有d熟口面wor…….. 我樓下都有大排檔啦,點解我要千里迢迢嚟呢度食沙拉骨呀?????? wa個沙拉骨好正wor!!!!!!!!!!!!!!!!! 估你唔到! 少少辣,牛仔肉juice嫩滑,配埋煙韌麵包及本地啤酒,正爆! 如此高質靚餐廳,埋單連tips都只係30 gel = $96!? I Love Georgia!!!!! 返Hostel囉背囊,準時晚上9點9前去到第比利斯中央火車站上車~ 滿心期待既頭等車廂臥鋪,原來都只係紅色污糟梳化一大張,仲要係同人share既2人房tim 幸運既係無人與我同房,兼且有即棄型白紗床舖,ok la~ 唔使一舊水算係咁啦~ 我偷睇過2等係4人房普通係seat only呢 (途中經過國會,有大型示威封哂路,後來知道係前幾晚有night club死左人,政府一炮禁哂全國既夜間娛樂場所引起大反對) 點擊圖片放大 +4 躺在車內,諗返新行程剛開始呢一日一夜所見既真係好有趣! 第比利斯好似一個超濃縮的國家,景物風格數步一轉,摩登與傳統交錯,自然與城市融合,行街遠足飲食購物玩樂熱鬧文靜,全部於步行距離既小小市中心共冶一爐 如此密集又多采多姿的城市,到現時為止全世界我只見過一個,那地方,叫香港! 真係好想再探索多d呢個地方ar~ 按計劃我行程既下半部會以Tbilisi為中心做one day trip,應該仲有時間ge~ 好啦~ 聽朝6點正先會到Zugdidi,好好訓一覺啦,好耐無係火車過夜了! 期待聽日到達傳說中既Mestia! =================== https://drive.google.com/open?id=13UOxWH6FUSdojn8Pe-RX7bZLHBpsbQd1&usp=sharing =================== 相關文章 : 《格魯吉亞背包行 - 出發前資料大全集》 《格魯吉亞背包行Day1 - 夜遊第比利斯》 《格魯吉亞背包行Day2.1 - 漫步第比利斯》 《格魯吉亞背包行Day2.2 - 公共浴場奇異見聞錄》 ==================== 本Blog已正式改名為《鋒加西亞 - 德國工作假期後的世界流浪》! 雖然"瘋人鋒語"4隻字唔見左,但呢個blog既白痴程度係唔會有改善的~ 希望各位繼續多多支持呀! Email : funggarcia@gmail.com Instagram : https://www.instagram.com/fung_garcia/ My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!!!