係伊朗既第6日,離開Varzaneh沙漠,來到伊朗東部的著名古城Yazd亞茲德 聽聞Yazd本係一個沙漠綠洲,千年來經過波斯人的智慧與努力,變成而家咁樣既一個大城市 咁樣即係點樣? 即係一落車果下覺得同廣州無乜分別law......... 唔係wor! 聽聞Yazd個古城好特別好架勢ga wor! 無錯,的確係真的,但只係限於古城範圍內,海洋公園都唔係成個都係海啦! 而呢個綠洲古城則是一片泥黃色的迷宮,特別是正午時份太陽直曬落嚟果種熱力,令你真正進入了電影裡的中東迷失國度 Lonely Planet話「迷失於Yazd古城」是遊伊朗的must do item! 我做到了,因為我係咁盪失路.......... 點擊圖片放大 +11 講真ar呢個古城真係有一種神秘既魅力,even妳行到邊度都只係一幅幅黃色既泥土牆,都會甘心係咁行落去,因為每一轉每一拐都是不同的風貌 而要講最吸引人的,無疑是古城天台的日落風光! 其實幾乎每一棟Yazd的建築物都有天台的,甚至閣下的hostel與guesthouse都有,但一般公開開放的則以Yazd Art House和Information Center Tourist Library最為著名 除左能清楚睇到市內大部分的名物“坎兒井”,在Yazd天際線前看夕陽更是浪漫無比~ 今朝係沙漠睇完日出,再係綠洲古城睇埋夕陽 ------- 今日好完滿呀!! 點擊圖片放大 +5 (又比靚女撩影相,見佢地含情脈脈咁望住我,唉咁我都勉為其難一齊自拍返張啦) 點擊圖片放大 +2 (呢間gallery上天台好似要比錢幫襯的,但我好似on居居上左去睇霸王景.......) 萬一真係盪失路@古城又無GPS,可以嘗試以亞茲德聚禮清真寺Masjed-e Jameh為目標 呢座清真寺高到嚇死人,更嚇人既係d整燈飾既工人可以爬到咁高而無安全帶........ Btw可能前幾日睇完伊瑪目清真寺,覺得呢座Masjed-e Jameh真係唔太特別,但都可到此一遊的 點擊圖片放大 +10 Yazd地標應該係阿米爾喬赫馬克建築群Amir Chakhmaq 開頭睇會覺得只係又一間清真寺,但其實係一個建於15世紀既超大型三層式牌坊,根據維基所講主要是為伊斯蘭什葉派用於紀念「阿舒拉節https://zh.wikipedia.org/wiki/%E9%98%BF%E8%88%92%E6%8B%89%E8%8A%82」之用 其下沉式壁龕設計係夜晚燈光襯托下真係幾靚~推薦~ 點擊圖片放大 +5 仲有樣野叫Zurkhaneh,我叫佢做伊朗式健身,係一大班廿歲至60幾歲既大隻佬係個圓形競技場內做push up及施丹式轉身既地方 大隻佬們會根據主持打鼓的節奏和歌聲來跟bit操fit,至於動作選擇則似乎係由圓場中間既人帶領,有時更會有獨立人士走出嚟蘇聯佬既轉轉轉 um,簡單嚟講即係型棍版既大媽舞,雖然佢d動作我都真心做唔到........ 點擊圖片放大 +5 https://youtu.be/p3Qr361fhHU https://youtu.be/HUNd55645UQ 至於大家睇得最開心既一定係成班大隻佬囉架撐玩兵器 上面d相都見到場邊放左好多支超巨型茄子,我囉過上手,粗略估計起碼有2/3支公司裝蒸餾水咁重! 但見佢地個個都左右開弓,雖然唔係橫掃千軍大鐵椎傳式揮動,但都唔少野la! 唔信ge話係office換水果陣試下~d女同事一定尖叫! Ee我係咪開發左一個新既辦公室健身運動呢?.......... 點擊圖片放大 https://youtu.be/qGOvj-uJOrM 不過,勁還勁,Zurkhaneh睇得耐就會覺得佢地來來去去都係做緊果d動作,真係有d悶……..我開頭except佢囉茄子係用嚟格鬥玩三國無雙ga……….. 兼且觀眾只得旁觀無得參與運動,一d互動都無,所以對我嚟講最吸引的都係個靚靚場地以及肥哥哥既打bit歌聲~ 再講ar,睇佢地操成咁都咁大個肚腩,就知呢種伊朗式健身不著重腹部鍛煉,對於要減肚腩既我嚟講真係無乜借鏡之處........ 值得入場一看的! 不過睇完就算了~ 如果有興趣,可以去位於望住Amir Chakhmaq左手邊小巷內的Saheb A Zaman Zurkhaneh,行過會聽到音樂同有人叫妳入去,好易搵的 點擊圖片放大 +2 https://youtu.be/SSfzbRH1LKQ 另外係市中心有一個幾出名下既花園Dolat-Abad Garden,內裡有著全Yazd最大的風塔 所謂風塔(bâdgir)就係用嚟將空中的風採入地下室內的裝置,係Yard周圍都見到,咁話哂都係沙漠地區,無d令室內涼爽d既設施好易死ga! 而Dolat-Abad Garden呢度就可以見下個塔係咩構造,除此之外就無乜野睇啦~ 同Kashan既Fin Garden一樣,好有時間先嚟啦~ 點擊圖片放大 +6 Yazd仲有個Water Museum都幾有名係介紹坎兒井~ 不過我無去到,反正坎兒井都唔算係波斯獨有,上網睇左個原理就算啦~ 就係咁Yazd市內景點就7788啦~仲差個好重要既景點only,下回獨立成篇慢慢講~ https://drive.google.com/open?id=1Kpn6_PIIW94J_gn1-XK2bhZIPOI&usp=sharing ==================== Email : funggarcia@gmail.com Instagram : https://www.instagram.com/fung_garcia/ My Facebook Page : www.facebook.com/Garcia.in.Germany 另外文章同時刊於UBlog、 DC Fever Travel、 Blogspot 及遊牧爆谷 請各位繼續多多支持呀!!!!!!!!!!!!!!