伊朗獨行6th – 沙漠小鎮抖一陣

離開靚到爆既伊斯法罕,坐上真正本地平價既長途巴士,過山車咁搖到嚟Isfahan東邊的沙漠小鎮Varzaneh
唔使問阿貴,我呢處梗係為左玩沙漠啦~
以伊朗旅遊嚟講,Vanzaneh唔算非常有名,一般去伊朗沙漠都會去東南部既Shahdad或者卡尚左近既Maranjab Desert,但係Tripadvisor同Wikitravel見呢個地方又沙漠又鹽湖又好有歷史咁好似唔錯,咪去住返兩日發掘下law~
一落車就有位本地青年主動帶我去guest house!
好彩有佢,因為間民宿原來係無招牌的,真係古城中既一個爛門口,超感謝!
不過見到我企係佢身邊行路時街上居民既羡慕目光,好似佢都好爽皮wor!

Lai到民宿,主人好熱情咁招呼我飲茶~
之不過……….點解個主人好似有d唔同ge……..同我email果位係流利英文ga wor……但眼前呢位似乎一句都唔識………..
不論係問佢我間房係邊定係有無地圖,總之呢位主人黑大叔都只能用波斯語盡力回答………………..
一輪指手劃腳,終於get到同我email溝通既係佢brother要今晚先返,即係原本既沙漠行程要聽日先confirm到………
Ok~即係我今日先係呢個小鎮慢慢hea下走下休息下先啦~
明白之後,兩個言語不通溝通唔到既大男人,就咁面對面坐係廚房,慢慢喝著熱茶,你眼望我眼………….好尷尬ar……………

突然間黑大叔捉我出門叫我上車! 轉頭就有個白頭佬上埋前座!!
Wei乜料! 劫財好啦唔好劫色呀!
正當我想搵d野塞住隻眼時,白頭佬突然用英文同我講「我要去搵師傅剃鬚,黑大叔話車埋你出去遊下車河睇下個鎮~一齊ar!」
咁又唔同~睇lai黑大叔都幾好人wor~
伊朗式離婚同伊朗式分居就無機會啦,睇住白頭佬刮完成個後生靚仔左,試下伊朗式剃鬚都好wor!
可惜小弟一向係小白臉路線,下巴只有幾條唏噓既鬚根,勞煩唔到大師傅了~
Um,明ge,你地話可以試切其他野ar ma,唔得ga好多女人會傷心ga!!!!

剃完鬚我地去到Varzaneh既地標The Old Bridge古橋,據聞頭7座橋墩已有近千年歷史,後3座係百幾年前”新”起的。
而河流Zayandeh Rud亦係由伊斯法罕三十三孔橋果邊一直流到過lai的~不過白頭佬翻譯黑大叔話因為水太淺,唔可能坐船的

河邊的Dovecote,即係鴿屋亦係幾顯眼既景點~
睇相內裡係幾靚的,可惜無入到去~因為要比錢同怕禽流感………..

另外Varzaneh居民有個特點,就係佢地既女士出街會用白色既布包哂全身,並唔係我地平時見開既黑色。
我問黑大叔,佢都講唔出個大概,而睇資料就話原因大約有3個 :
1. 拜火教認為白色係純潔既顏色,而呢度保留左傳統
2. Varzaneh出產既棉花多同靚
3. 夏天好熱,著白色涼爽d
真相係咩真係唔知,但係伊朗著白袍都係一個有趣既景象~
Ar sorry,無影相呢~

之後返民宿hea左陣,見一班法國人係屋內用餐,我就問黑大叔佢地係咪會提供埋膳食?
一堆雞同鴨講再成套工字伏虎拳手語版打哂都係唔明!!
都係要班法國人個導遊翻譯出口…………..
原來黑大叔話我無講過話要係度食飯所以無預備材料,但佢而家可以去再整,不過就要晏d約8點先開飯………..
我話廢事煩,佢就話唔煩,一論推推拉拉,最終都係我屈服拜託佢幫我預備晚餐
見到有一粒鐘先有飯食,就出去鎮內行多個圈
個鎮真係好細,應該克拉科夫old town都比佢更大,高速行應該半個鐘ko,不過我慢慢hea下又買下野食,一個鐘好快過去~

(估唔到個泡芙咁足料! 1蚊港紙ja!)

8點返到民宿食飯,用餐地點係大廳暨我間房內既地氈上…….
當時第一時間諗今晚會唔會同小強共舞……….好彩最後都平安
兼且估不到黑大叔將我同白頭佬及一個都可以講英文既後生仔group埋一齊dinner,即刻有d唔好意思累佢地遲食tim…….
不過大家都算幾好傾,餐飯既氣氛都頗為愉快~
言談間得知白頭佬原來係一位荷蘭既social science教授,佢近5-6年every year都會lai 2-3次伊朗,且每次都會入住呢間民宿,所以都算識少少波斯語~佢份人亦都非常nice~係佢身上獲得到好多伊朗風情既資訊呢~
至於後生仔則係一名初出道拍過兩三套戲的比利時導演,都幾岩傾,但深夜時唔知發咩神經訓訓下搬左出天井訓+第二朝黑我面,唔通我鼻鼾太勁?

至於食物,則有少少肉既蕃茄黃豆,沙律,及一大碟白飯,簡單卻甚有家庭feel~
最好食卻是佢地既飯焦!
原來佢地興用薯仔片鋪底來煮飯,煮完出lai既飯焦名乎其實薯片咁脆! 雖然油左d但都非常好食!

一夜無話,heahea地既Day4完結!
期待聽日既沙漠之旅———-希望去得成啦! 識英文個屋主仲未返lai ar!!!!!!!!!!

====================

Email : funggarcia@gmail.com

Instagram : https://www.instagram.com/fung_garcia/

My Facebook Page : www.facebook.com/Garcia.in.Germany

ging

另外文章同時刊於UBlogDC Fever TravelBlogspot遊牧爆谷

請各位繼續多多支持呀!!!!!!!!!!!!!!!

This entry was posted in 伊朗, 住宿, 外遊美食, 觀光 and tagged , , , , . Bookmark the permalink.