日本髮型師既手勢唔係未試過,早係德國時,就全靠果位日本美女我個頭先可以脫離彌敦道9號既魔咒 (請參閱「細眉細眼的麻煩」) 所以係我心目中,日本人既服務一向都係信心保証,今日有時間,唔係唔學下洪永城係外地飛返個靚髮掛~ 之但係,係柏林就話英文溝通到je,我日文剩係識「大丈夫」「也嗎嗲」,點樣走去剪頭髮ar?? 萬一溝通錯左剪個三島平八頭出lai我點算?? (三島平八) (一search三島平八就標阿鼎爺出嚟,佢handle得咁好,好難唔post埋wor) 係理個髮型之前,首先我要解決既係「究竟邊度有hair salon??」 求其撞一間law~~~~~~但都要有個目標去撞ga,日本髮型屋比較少香港果種地鋪式的 一生路不熟,當然係問人啦~ 問一問 Amza sanua既前台小姐,「請問妳知唔知附近邊一度有得剪頭髮ga? 大約4000 yen左右就好了」 小姐苦惱左陣,答左一句「chok多媽爹」,就走左入去後台 等左5分鐘,正當我諗住佢唔得閒唔好阻佢時,小姐就囉住張紙出lai ----「呢度有間評價唔錯的salon,你跟住呢張地圖行就得ga la,地圖下方有張coupon,可以用優惠價1900yen剪髮的~」 望住呢位美小姐的笑容,心頭一陣感動,原來妳入去就係高速上網幫我左間係對面街既髮廊,仲細心到print埋地圖coupon比我! 日本人既服務實在太窩心了!!! (係,梅菜一樣ar ma~我知ar~) 輕易地到達呢間位於千日前ミフネ難波ビル5F的salon「LORD LUXBE」 白撞式入到去,理所當然地溝通有困難,但指手劃腳完一輪,總算共識到「下晝5點再來過啦~」 um即係同德國一樣,個人服務業係需要預約的,但多多少少都會安排到一d即日既空檔時間比你,so far問題都不大~ 所以如果要係日本剪髮既朋友記得早一日親身上到去salon or電話預約定好d~ 如果好似我咁既,咪行下街shopping下,時間好快過je~ 點擊圖片放大 +2 (以上為網絡圖片) 果然話咁快5點! 髮型師土橋潤子小姐問我想點剪 Er……………「兩邊剷青中間剪碎唔好太短比我gel all back」日文點講? 英文我都唔識講ar! 有一剎那想學係歐洲咁囉張舊相for her reference,但念頭一轉,不如比日本髮型師自由發揮啦~於是係google translate打左一句「just do it as you like, trust you!」 但攪笑地土橋小姐非常緊張,表示如果佢剪出來我唔岩心意點算 於是我地兩個就坐係度,對住兩疊demo書逐個逐個髮型咁研究邊個岩我多d~ 我話呢個好,佢拼一拼再搖搖頭,可能驚我有型得滯啦 ; 有時佢話呢個好,我又覺得太過軍佬handle唔到 兩條友咁樣玩左15分鐘,終於都揀到一個放盪得lai帶點含蓄,斯文得來又有點不羈既造型~ 所以唔識日文都無問題~日本既髮型師係好有心機地慢慢比造型你揀到岩為止的~ 至於剪髮既過程,都係用剃刀較剪同嘻嘻哈哈地吹水啦~ 只係不時有google翻譯器係中間阻住我傳意溝女je~ 不過,日本成個剪髮流程會同香港有少少唔同,而同歐洲有d近似 香港一般都係洗頭-->剪髮-->沖水-->吹乾落gel 但日本同歐洲都係直接剪髮,之後先洗頭-->吹乾落gel,兼且洗頭唔係訓係度而係坐係度 而日本剪髮另一最唔同既地方,就係洗頭時會按頭部之餘,仲會幫你按埋肩頸,完事後再遞上熱毛巾比你敷臉 Arrr………只係呢幾下都貼心到死好warm ar~~~~~ 咁樣比人玩左成粒鐘(其實係我玩佢),出來個效果都唔錯呀~ 可惜少少既只係個look同平時係香港剪分別唔太大……….或者咁諗,我個風格係岩呢類髮型啦~ 埋單1900yen,土橋小姐真係超級nice超級用心剪的!手勢亦非常好! 我原想比多d但日本人唔收tips,咁我只好衷心咁多謝佢地啦~ 果陣6.5算,即港幣123蚊有咁既服務,唔係日本去邊度搵ar~~~~~ 所以,岩岩我11月頭既《Share積Fund去旅行 – 九州紅葉篇》第一日都係福岡剪左一鑊~ 點擊圖片放大 (呢3張就係福岡姪浜時剪髮影落的,係我facebook page既場邊小故事再講) 反正講開,岩岩上面講到要預約hair cut in Japan可以親自上去同打電話,果個其實係我當時既做法(紀伊之旅係2016年3月既事),今次11月去九州時已經醒目左,係可以上網book 定ga~~~~ 其實只要打日本剪髮,有唔少blogger都圖文並茂介紹點樣預約, 而我就用左呢個website : https://beauty.hotpepper.jp/(其實我都唔知有無其他web) 日期時間地點價錢到髮型師特長全部有齊比你揀~當然指定髮型師會貴d啦 唔計我慢慢揀邊間岩心水,成個預約我5分鐘左右攪掂,超輕鬆~ 如果你已經有訂房網站Jalan既a/c的話,仲爽,同一個a/c 來的,登記都慳返~積分優惠都互通~ 個網好似仲可以book好多野,留比大家慢慢發掘啦~ 好野~講完~~~~遲d紅葉旅行篇既Day1可以打少篇lu~~~~ 總括lai講,日本剪頭又平又靚又服務質素又好,兼且只要識上網同睇髮型書已經可以得到你想要既理想造型~唔識日文一樣可以做到! 有興趣ge,不妨試下啦~ ================== LORD LUXBE https://beauty.hotpepper.jp/slnH000338541/ 大阪府大阪市中央区難波1-4-6 ミフネ難波ビル5F ================ My Facebook Page : https://www.facebook.com/Garcia.in.Germany Utravel Blog : https://blog.ulifestyle.com.hk/blogger/aeolusgarcia DCFever - Fever Travel : http://www.dcfever.com/travel/utravelogue.php?id=799202 Email : funggarcia@gmail.com 請各位繼續多多支持呀!!!!!!!!!!!!!!!