日本紀伊半島Day2.2 – 伊勢內宮的確非凡

烈火戰車上斜落斜左4-5公里踩到腳軟(我認我虧),來到伊勢內宮外的おかげ横丁(托福橫丁)
第一感覺已經係“喂呢度熱鬧咁多ge?”,基本上就係一個大型園遊會,攤位遊戲同美食包羅萬有
仲有大鼓表演tim!即刻衝過去望望先!
「阿尼架多我渣你媽s!!!!!!!!!!」睇住個兩名鼓手大汗淋漓地向觀眾多謝,再望望旁誠last 1場個牌……….我錯過左d好重要既野呀!!!!!!!!早知再踩快兩步啦!!!!!!




(白痴地真覺鮮奶旁邊深色果支一定朱奶而買左………..頂我唔飲咖啡ga……….)

(萬一射中左都唔知點抬d零食返去……)

(呢間賣可樂餅既店超多日本人排隊,唔執輸)

(細細個但只需100yen,香脆皮薄餡靚,正)

穿過托福橫丁來到類似參道的大街,不過建議先直行上橋望下清澈恬靜既五十鈴川先~

呢條類似參道的大街,而家都變成重點既商業街,伊勢所有既名產同手信可以係呢度一炮過攪掂~
痴線咩旅行第二日就買手信!所以我理都無理過,儘管好多人話呢度既紅豆甜品“赤福”好正我都係閃電式飛過
令我停落嚟既,反而係Snoopy 茶屋!?
對唔住我其實係一個Snoopy既超級愛好者~呢間cafe門口唔止有一眾著和服既花生漫畫主角,店內精品店更有超多日本獨有既Snoopy和風產品~
所以結果就係———-對唔住我第二日就買左手信……………


(老老實實,餐牌show出lai個樣都真係好山寨下……..

(實物好d)

沿人群向前走,就會來到明治神宮內宮入口
可能係天氣同人群既關係,個門口好似真係架勢d wor!!!!

入到裡面,感覺內宮比起外宮更大可容納更多人,空間感亦更強
園內植物亦多見人為修剪之處,就像一個新建成既大花園
後來睇返d資料,原來明治神宮雖然有超過1300年經史,但每二十年就會遷宮一次,重新起間新屋比神明居住,對上一次遷宮係2013年,所以d裝修先會咁新
比著我,每廿年要我搬一次屋,真係多得你唔少…………

到五十鈴川洗個手都係正式參拜前的指定動作
內宮的五十鈴川又同托福橫丁既所見既不同,前者被古樹圍繞,陽光透出照射到河川上,配以陣陣流水聲,非常治癒心靈

內宮為最重要的為「皇大神宮」,主要供奉既係天照大御神,是日本神話中高天原的統治者與太陽神,被奉為今日日本天皇的始祖,也是神道最高神祇。(100%超抄維基的)
「皇大神宮」同外宮ge「豐受大神宮」一樣內裡係唔比影相的,所以宮前長梯就充滿左各種自拍同比人拍既pose

這時我見到有一日本美少女對住我不停偷望,怕怕羞羞咁,我對佢微微一笑,佢就縮低頭甜笑咁同佢朋友邊咬耳仔邊偷望我
oh my god~~~~~我知道呢個一定係伊勢神賜比我既禮物,一定係我平時做得好事多!!!我唔客氣啦!!!!ee打打ki媽s!!!!!!!!!!!!
你地諗咩je,我係話終於有人幫我影相啦~~~~
咁當然我都會同佢影相啦~
之後點樣?因為佢完全唔識英文,所以下文就係電影《風塵三俠》既經典歌詞「佢再靚最後始終終於無下文」………

伊勢內宮地大,其他宮殿都非常多,連參拜既人都非常非常多,完全唔係外宮可比
不過又咁講,論莊嚴氣氛,觀光風景,內宮都真係比外宮略勝一籌,至少係呢度,我覺得值得花上更多時間去體驗感受
亦都係到左呢度先覺得,日本至高無上No.1既神宮果然名不虛傳!
講就咁講,但參拜既人實在太多了,甚至乎多到要排長龍
所以係5円耗盡之後,我放棄了
再見啦咁多位伊勢神!!!~~~


(呢個view真係正)

回到參道,做咩事ar,颱風打到嚟ar?人來人往既街道店舖全部收哂皮ge??
5點鐘關門落閘放狗都唔使咁準時ar!?
只剩低一間手工啤酒店未收,反正肚餓,飲返杯食隻炸蠔抖下都好
之後就囉返我架hostel單車,緩緩向hostel回歸啦


(好味wor!)

(仲好味wor~)

總括嚟講,無時間既話,嚟伊勢內宮夠ga la!
好簡單既一篇~因為近期奉行簡約主義——即係懶~
未完~下回繼續Day2!

=====================

好多靚靚地相片及無聊小故事的Facebook Page :
My Facebook Page : www.facebook.com/Garcia.in.Germany
Instagram : https://www.instagram.com/fung_garcia/
請多多支持呢~

This entry was posted in 外遊美食, 日本, 觀光 and tagged , , , , , , , , , , , , . Bookmark the permalink.