回到鳥羽天色已昏暗,雙腳已經好似唔係我咁,所以泡返個足湯鬆一鬆先 誰知水不夠熱,另加海邊寒風凜冽,坐左兩分鐘除左對腳個人feel到就結冰,都係快d搵野食啦 之但係晚上既鳥羽真係乜鬼餐廳都無,又遊盪左半粒鐘,見到一間店鋪大大個招牌寫住「海女之磯燒‧伊勢乜乜‧乜乜乜‧活魚料理‧乜乜乜」 點擊圖片放大 (流住鼻水浸腳........) 呢度又海女?第一個反應係都唔知係唔係借個名嚟消費遊客.......... 不過日本呢方面好似少d ge,兼且印象中好似睇資料時望過下,加上附近已再無食肆營業中了 無計,就妳啦 餐廳內部同一般日式餐室有頗大分別,只因以矮木樹桌為主,而玄關左邊陳列出 一排排食品,空氣中瀰漫著淡淡的炭屎味。如果唔係窗邊有榻榻米,真係以為去左大陸既街邊食肆 不過坐底後,就覺得一桌一椅都係經過精心挑選和修飾,牆上的60-70年代海報 ,空盪盪的室內,只留有收音機和老闆家人的談笑聲,涉出淡淡然的復古味 Um~~有d feel wor~ 點擊圖片放大 食物係以我有限既日文亂點的,既然老闆都話係good choice應該都無咩問題掛~ 名為「貝殼類乜Q都有定食」(貝燒膳1900yen),材料除左糖同橙皮之外,仲包括海螺、蠔、沙白(好似係)、海膽同扇貝x2,全部一炮過放於洪洪聖火上一鑊熟! 估唔到我lai到日本既海邊會走lai食熟海鮮,係西貢食得少咩! 但又真係食得少wor!!!!!!好少食到咁新鮮咁飽滿既貝類!!!!仲要係你面前炭火即燒即食!! 每一種貝都既彈牙又juice,蠔有蠔味,螺有螺味,仲充滿濃郁既鮮味同海水味!(即係有d咸) 另外最驚喜既都係滿滿一大碗的海膽飯!!! 呢度既做法係海膽同飯一齊煮,黃澄澄的用料十足,雖欠了生海膽撈飯綿滑豐 潤,但香氣卻直衝鼻蕾(其實我唔sure有無鼻蕾呢一個字),更多了一點點咸香, 總之就係好味! 點擊圖片放大 +2 可惜小弟生於一個食餸多過食飯既家族,由細到大阿爸就教落「d餸貴咁多,邊有咁蠢猛爬飯塞飽ga!?」得果幾舊貝肉邊度夠 我d「見間餐廳平就叫多幾樣野最終無慳到仲洗多左」既病又來了….. 係小食果個column勉強睇得明魷魚(イカ)同八爪魚(タコ),就求其點哂兩樣but唔同煮法,老闆卻笑住say no,大家雞同鴨講一輪,包拗頸既我係都話要呢兩樣野,終於老闆都同意 擺到上桌,我就知發生咩事啦……… 點擊圖片放大 簡單lai講就係酥炸八爪魚同椒鹽魷魚鬚,熱氣到呢~~~~~~ 我叫左兩碟性質上完全一樣既野呀!!!!! 但又吹佢唔脹,兩碟都極級好食wor!! 熱氣死飽到死都好,都要倒哂落肚,我會唔會變魔盜王既章魚人ga……….. 以上咁多野,埋單都唔使3000yen,真係好抵啦! 意外入lai見唔到海女既海女小屋食店,值得一到! Wei Day1已經好長啦……肯完未ar? Sorry其實仲有Day1.4…………下回再講………… ============================== 再睇返資料,呢間野原來係堅出名的,細佬大鄉里未見過世界ar...... 《海女小屋鳥羽はまなみ》 地址:鳥羽市鳥羽一丁目6-18 http://tabelog.com/tw/mie/A2403/A240302/24008081 =============================== 好多靚靚地相片及無聊小故事的Facebook Page : My Facebook Page : www.facebook.com/Garcia.in.Germany Instagram : https://www.instagram.com/fung_garcia/ 請多多支持呢~