浸過錢湯,雨雪已停,然寒氣仍充斥於上野的街道 係上野商店街拐了數圈,沒甚特別事能引起興趣,當到此一遊算了 其實當時體能已近極限,尋晚只係飛機訓左一粒鐘ja,仲要舟車勞頓+雪地遊蕩wor,但又唔想咁早返去休息,正諗緊好唔好早d照原本planning去月島食文字燒時,經過一間立食居酒屋,見下晝5點得佢係無拍烏蠅仲8成full house,似乎d料到wor......... 此時五臟廟一陣擂鼓,唉,睇嚟都捱唔到去月島ga la,一於嚟個飯前小食,睇下你係咪隱世名店先! 點擊圖片放大 又係一個日本電視劇中既場景,今次則係深夜食堂-----U型木枱圍住店主,想食乜飲乜都係直接講,唔同既係,呢度係一間立食店,無位坐 對,即係無論我上面講到有幾攰,個天有幾黑有幾夜都好,呢度都仍然係要我獻出第一次既one night stand 而且約100平方米的小店內,100℅純係男人,有穿乾濕褸的上班族,有滿臉鬍子的彪形大漢,偏偏就係無我呢種著厚羽絨的文弱書生 面對住一店的粗豪麻甩佬,唉,無辦法,唯有硬住頭皮頂硬上啦 店主招呼我到U字頂端的一隅站好就問我要乜,我以生硬既日文答 “ Be lu",此言一出,全店人即一齊望住我,就好似發現人群中原來混入左隻識講人話既猩猩一樣........唔係ge唔係ge......佢地驚訝我一個外國人識日文je~ 當然1秒後老闆個“o下!?”字打破左我既幻想啦.........算啦我都係淆底講返英文算"beer,small draft beer please",轉個頭店主就係雪櫃囉左支Asahi大啤比我........... =_=................. 而家諗返係攪笑ge~但果陣果種無奈感真係............生啤應該係"la ma"呀傻仔!!!!!!! 要咁攰既情況下隊咁大支700ml,究竟我會唔會第一日就醉臥街頭君莫笑呢....... 但望住一店雄性自斟自酌杯杯清的豪邁,唔理!不能失禮香港人!倒滿,自隊一杯先! Asahi既味道都係同一般Large無分別啦,只不過在這異鄉的小酒館中站著把酒一氣清乾,倒為立食這回事,多了幾分風味,幾分英雄氣 (網絡圖片) 幾杯下肚,豈能無送酒之物? 店內貼滿佢識我我識佢老鼠既日文menu,又試發揮德國時學返嚟既手指指亂叫野大法 ------- 影張menu相再求鬼其點指兵兵篤樣串燒 結果出嚟係兩串似係肥膏既唔知乜肉,味道ok la 更吸引我既卻是眼前咕嚕咕嚕滾著的兩大煲一紅一白 見個個客人面前都有碗wor,老虎蟹都整返兜啦~~~ 味噌煮豬什豆腐???估唔到日本人煮及第都有一手wor!當然日本既豆腐係無得輸ga la~ 正!忍唔住口叫埋紅色果兜---------煮到幾近溶化既一d都唔辣汁牛筋腩呀!!!!!! 牛味濃郁且香滑軟諗,幾乎用脷一攪已能吞嚥.......估唔到係日本都可以食到咁正既牛腩!! 呢個moment,我想要伊麵ar!!!!!!!!! 點擊圖片放大 +3 野好食,但最重要都係氣氛 講真,店裡並不吵鬧,只有間中數句的寒暄,不過客人駱驛不斷的進進出出,卻形成另一種沉默的熱鬧 我眼見不少客人進來都不用說話,一舉手,店員已醒目地奉上啤酒美點,明顯是熟到爛的老主顧 店內兩部舊式小電視正播放日本時事新聞,不時全店的目光都集中於上,就好像有一種無形的凝聚力,連結著這班似熟不熟的男人 這間小小的立食館,就是給這班忙碌工作過後的漢子,放鬆自己,流露出男人浪漫的地方 ..........其實我係咪吹得大得滯呢XDXDXDXDXDXDXDXDXD 原本想輕酌小吃,最終變成狂飲暴食! 埋單900幾yen,唔平唔貴啦,只不過一支大啤落肚,原本已疲憊不堪既再都頂唔順,儘管只是下午6點許,仍帶著醉意火速回到住處大覺訓.......... Day1仍未完~下回待續 ========================== 寫呢篇野時先認真搵一搵呢間店的details,原來係Tabelog上都幾高分wor! 地址都搵得返啦,有機會再去~ 立飲み たきおか 地址 : 東京都 台東区 上野 6-9-14 JR上野駅正面出口、東京Metro上野駅4番出口徒歩5分鐘 http://tabelog.com/tokyo/A1311/A131101/13024952/ ========================== 好多靚靚地相片及無聊小故事的Facebook Page : My Facebook Page : www.facebook.com/Garcia.in.Germany 請多多支持呢~