上回講到自己on居雙手沾滿雪水 小弟就最怕手凍,兼且東京地大,雪地濕滑下由三河島行去上野已非常疲倦,係時候鬆一鬆 按地圖所示,搵到位於上野三丁目起碼超過70年歷史的錢湯「燕湯」 (因內部不能拍照,除左呢張之外,以下全部係網絡圖片) 所謂錢湯就係日本既公共澡堂 即係我地細個睇日本卡通時,主角屋企無得沖涼,就會同青梅竹馬囉住膠兜毛巾漫步街上,邊談心邊行去洗白白,入到去再偷窺 作為一個深受日本文化影響既八十後,一直都想試下偷窺呢種地道澡堂文化! 有睇開既讀者都知我非常鐘意浸浴,而且每每有古怪奇遇,今次睇下又會點~ 脫鞋進門後,感覺完全就係進入左卡通同電影中的畫面一樣! 首先入目的一格格木製的小型儲物櫃,看起來已有相當年齡,滿有古樸之意。向上望去,則可見自己處身於日本古式房屋建築之中,以中央一大塊鑲有鏡面的木板隔開男女area,老闆則高高坐於玄關的正中間面對木板中線,左眼望女生右眼望男生盡收人間春色...........你就想!! 家陣仲有幾多後生美女會嚟呢d比人望到哂既錢湯ar,見到老板係阿叔都即走啦~ 而呢度既老板老爺爺見我一個死靚仔on居居傻下傻下,都知我係外國人第一次嚟ga la,就隨手比左張外國人入浴指引我,睇得出日本人係維護同推廣佢地傳統文化方面都幾用心落力 點擊圖片放大 當我輕解蘿裳,衣衫盡退,露出雪白柔亮既肌膚同沉睡而凶猛的......得啦stop!!!!!!!唔係三級小說呀!!!!!!!!!!! 總之就係除衫開門入場時,的確會被眼前那巨大而著名的澡堂彩繪畫面吸引 浴池不大,只有兩個塘共約3-5米,日本坐地式洗澡水龍頭約10個,但絲毫沒有局促狹窄之感,反而有一種在家的溫馨 洗澡後進入浴池,攝氏41度的熱水,終於可以將冷了我一整的寒氣驅走了 (上面呢個係我,唔使懷疑~) 有浸過溫泉or澡堂既朋友都知,總有一個熱水出口處會“辣”到你黐筋ge,我為求取暖,落水後二話不說就坐左係旁邊位 但隨著寒氣驅散,接種以來的就係越來越熱......差不多啦,換個位坐出d先~~ ee..........個池突然多左咁多人ge?? 4-5位男士正閉著雙眼安坐於池內靜靜享受 唔知大家有無留意過,其實每個人都有自己的private zone,即係人與人之間physically的距離,例如情人先可以同你面貼面,家人至親好友可以肩並肩,普通朋友會隔一個身位等等 當有陌生人闖入你既範圍,even佢地無做乜野,你都會感到強烈不安,呢個亦都係大陸人係地鐵成個身貼上嚟時你想打鑊佢既原因 而當時浴池內,各人既private zone分佈係剛剛好fit哂,即係再無空隙。如果我突然換位既話,一定會靠近到其他人進入到佢地既private zone!係呢個大家赤身裸體的環境下,咁做既後果通常得兩個------- 1.人地厭惡你啤實你當係大陸人 2.人地好歡迎好開心好興奮come baby囉d番梘先 兩個options我都非常唔想,想抖抖氣又唔想企起身大方展示我的陽電子炮嚟嚇親人,唯有坐上浴池邊緣抖抖氣啦 唔夠10秒老板老爺爺即刻衝入嚟叫我坐返落水................老實講我真係唔知原來坐池邊都係唔得的...... 唯有坐回那個慶烚烚既出水口,繼續熱ar熱ar....... 這時身體越來越痕......痕,就要rr啦,一rr,全場就即刻望實你-----「呢個外國死靚仔係咪生癬ar?」 於是唯有坐定定唔郁啦......ar......正ar......估唔到嚟日本咁快試到sabusabu ar.......我d豬腩肉好快熟ar....... 1分鐘後,我覺得自己就嚟熟啦......唔掂啦....就死啦....... 係呢個生死關頭,突然福至心靈,我諗到啦!!...............點解我咁on居唔上水呢!!!!!!!?????? 如果閣下未見過水煮既化皮當紅乳豬,而家就有一隻係你面前啦!當然係無photo attached ge~ 皮膚係紅,但抹乾身企係廳度,感受流動的熱血對抗寒冷的天氣又真係好鬼爽wor! 而更衣大廳內亦有風筒、磅重、飲品等等貼心供應,咁我當然係照日本人習慣,整返支凍鮮奶先啦~ 仲順便同d當地人打下牙骹做下資料搜集,結果係大有收鑊~我明白到佢地係完全唔明白我講乜ge~ 之不過老闆仍然熱心地教我d路點行同有咩注意,至少我get到既係咁,呢一點,係窩心的~ 其實如果識日文ge,咁樣係澡堂傾下偈,應該會係好開心既事~ 第一次嚟古式錢湯,就感受到老闆既笑容最可親,服務亦夠欣勤,雖然無全新風格至創新,亦無豪華好氣氛,但絕對係一個非常好既體驗! 我既日本獨遊先岩岩開始,睇下有無機會浸多幾個唔同既湯同溫泉比較下先~ ee我好似唔記得左一件好重要既事................. 哎呀!!我唔記左偷窺tim!!!!!!!! (正經地呼籲大家 : 呢個就係偷窺既後果,千其唔好試!) https://www.youtube.com/watch?v=413xqW8f_h4 =================================== 好多靚靚地相片及無聊小故事的Facebook Page : My Facebook Page : www.facebook.com/Garcia.in.Germany 請多多支持呢~