係人都話旅行係失戀最佳既療傷方法。做左backpacker咁耐,咁樣既旅行目的真係未試過 凡事都有第一次,當時係2015年1月尾,德國返嚟已大半年,無旅行已周身唔慣,加上岩岩完左個job叫做有少少銀兩+時間 於是臨時就買張機票,三日後一個人向從未去過的東京出發 就睇下呢一次既旅行,能否真讓我把陰霾驅散,把妳忘掉吧 歐洲旅行我就熟je,但日本都只係第二次去,三年前係大阪有日文流利既阿哥傍住,雖然自己都識幾句有限日文,但唔通一出聲就“也媽嗲“咩 不過,日本g ma,東京g ma,驚都未驚過,話哂日本都係世界上其中一個最安全既地方,除非真係漫畫一樣入左殺戮都市je! 所以,零晨1點幾,背上背包,向東京進發! 點擊圖片放大 +2 睇開我遊記既朋友都知,我一向懶plan野,係歐洲所有野都隨遇而安去到先算 但日本似乎真係唔可以,因為每一件事都太多選擇,不論食野又好景點又好連坐車都好!又唔係無限金錢,用多左好氹心口ga ma! 坐車出市區又係,成田機場閒閒地都一百幾廿萬種方法到東京 網上好多人都推薦坐skyliner,話地下鐵路話咁快就到。不過再check清楚d,”成田Sky Access”都只係慢大約廿分鐘ge,我朝早6點幾落機,咁早出到去住宿地都未check得in啦!價錢係1240yen,比Skyliner平成千蚊wor!計落有著數~~~ 點擊圖片放大 +4 坐成田Sky Access去上野需要在青砥轉車 在等車的短短3分鐘,在人來人往的月台上,窗外緩緩飄來陣陣粉雪,在黑色的車站內份外顯眼 到達上野時,東京已籠罩著一片銀白潔霜,看著一片片浪漫雪景,勾起一闕闕人和事 一陣吹皺一池春水的文人思緒湧上心頭 粉雪啊.......你是為寂寞孤獨的我,作出熱烈而冷酷的迎接嗎?........ 點擊圖片放大 +2 (咁鬼凍,係日本既自動售賣機整罐熱粟米湯是常識吧~) 到達JR三河島站的住宿後,果然預先講左想早check-in都係未可以的 時間尚早,反正我已整整一年無賞過雪啦(最後一次睇積雪應該係Tallinn,第六十二章),一於做working holiday時既日常行動--------囉住地圖亂咁走啦!!!! 點擊圖片放大 行不數步,見到有間製麵店,見到既下 秒就好似卡通片一樣個肚“咕~~~~~~” 係wor由凌晨1點上機到而家中午11點乜都無食過野,睇你個樣幾街坊向幾地道,就你啦! 老闆娘意料之中當我係日本人,當我禮貌表示我係香港人後佢都非常禮貌.......應該話熱情地招呼我企! 立食係咁ga la~之但係我望住果埋日文個人真係好迷茫.......咁多選擇,唔通真係點指兵兵亂指一個? simply is the best,麵屋,um麵既日文我都識ge,不過講完“ra-man"後老闆娘講果堆野真係唔知係乜,唔通真係講"也媽嗲"??? 但老闆娘堅利害,隨手囉出4種麵比我任揀,我先知佢問我要邊種麵! 我話要雞蛋“Tamagor"佢都可以用手語敲敲台面問我生蛋定熟强!佩服! 至於味道,唔係驚喜,唔係極好,但絕對唔差,更重要既係果份人情味~ 係東京,似乎有個好開始呀~(見到有熟客叫咖哩飯好似好好味!有機會再試!) 走到日暮里,無意中到了傳聞中的賞櫻勝地谷中靈園 2月落緊雪搵鬼櫻花咩!而且個人宗旨係唔影墓地,所以靜靜地行過就算,無影相 點擊圖片放大 +2 此時粉雪已漸漸變成粉雨,氣溫卻是越來越冷 到了近期熱門左既谷中銀座商店街,已經係凍到有北歐既感覺,傳說中好浪漫既日落階梯當然就係灰沉沉一片,同我個心一樣咁灰啦.......... 點擊圖片放大 +2 好啦夠la~~~~~stop your負能量plz!!!!搵d開心野做下啦好無! 買左個谷中商店街好出名既炸牛肉可樂餅 日式肉餅大多加左洋蔥,所以又鬆又香,肉汁都流到出嚟,的確係唔錯~ 點擊圖片放大 (住處無廚房,如果唔係買返去煮好似都幾開心) 食完之後突然發現-----ee做乜個紙袋咁濕ge?d肉汁真係咁多? 再望真d,揸一揸已經凍到無感覺既拳頭.......對手襪出水wor........ shit原來係雨雪中我雙手插袋,件防水羽絨冼哂d雨水落我對手襪!怪不得我對手凍彊左啦!!! 而家成個衫袋都係水,對手襪濕左水唔除又凍,除左仲凍! 都未試過咁囉命.............唉唔對路,要搵個地方避一避.......... (街邊都有地圖,幾好~) 老老實實,自己睇完一次都覺得寫到有d悶..... 太陰沉的寫作風格果然與我不合,下篇我試下開心跳脫得嚟又表現到我失戀果種哀傷感啦 好,下回繼續 =================================== 好多靚靚地相片及無聊小故事的Facebook Page : My Facebook Page : www.facebook.com/Garcia.in.Germany 請多多支持呢~