我一話去意大利巴里,十個有十個都笑我「峇里係印尼呀傻仔」! 而家文字睇當然清楚係天淵之別啦,但用廣東話講真係無可能無誤會! 唔係plan行程時學關公月下讀Google map,都唔知意大利東南部有個交通重鎮叫巴里Bari啦! 此巴里不同彼峇里,果邊係陽光海灘既比堅尼天堂,歐洲南部既呢個?都係睇下我呢篇遊記啦(但其實呢篇都講唔到d乜.........) 上回講到我坐左一晚船由阿爾巴尼亞的Durres跨海而到,一落船就排鬼死咁長龍過關入境! 成首船咁多人開得一個counter??? 轉個頭一諗,咁先似係意大利人慢慢享受生活既風格ga ma~ 烈日下背住成廿kg既背囊等超過半粒鐘?無事無事~忍得到~未發火~最多心裡問候下人地屋企人je~ 之但係,去到市中心,問hostel職員邊間pizza店食lunch好? 「我地呢度d店舖下晝都唔會開門,只開夜晚」 下晝兩點幾3點都仲未開市!!!!!!??????唔係真係懶到咁ar???? 怪不得意大利雖是大國,但一直都係歐洲貧窮神之一啦............. 餓到嘔,終於lunch都要去對面士多買野做味吉陽一......... (乜都無開......) (真係無乜幾何lunch都自己煮) 點擊圖片放大 +2 食完野都4點幾,幸好歐洲夏天仍是日照超長,出去行下啦~ 基本上Bari同其他歐洲城市一樣,分為新城區同舊城區,如果由中央火車站出發,則必須穿過新城先去到舊城區 話就話New town,其實d橫街都係old到不得了,明顯唔有錢得去邊,但最中央main street卻Gucci、LV臨立....... 係咪而家d大國既發展都一定係咁ga呢......... (中央車站) 點擊圖片放大 (第一時間諗起佐治古尼,What else~) 出到大橫街Corso Vittorio Emanuele II向右行,就會睇到海啦~~~~~~ 之不過呢處就係碼頭為主,要海灘就要坐巴士去遠d,我就無咩時間去啦 而且海邊都唔係有好多特別野睇,只不過海仍是亞德里亞海一般的蔚藍風格,沿海邊走進舊城區欣賞沿途風光是個不錯的選擇 < 點擊圖片放大 (又一個無人的海邊市場) 點擊圖片放大 +2 (呢個其實就係我落船既碼頭,原來都係半個鐘步行距離而已) 記得於克羅地亞篇 第99章時講過Rovinj好有意大利地中海風情,而家嚟到意大利,終於證實無錯啦! 舊城區內部都係地中海一貫的灰白石磚設計,彎曲幼狹的小街道,左一轉,右一拐,教堂,小城堡,簡陋民居,一切一切都係意大利風情 行到攰,坐係路邊看本地居民小孩純真嬉戲,又是一樂也! 只係城內道路非常複雜,有地圖都好易迷路,注意注意! 點擊圖片放大 +9 (舊城區正門入口旁的唔記得市政廳定博物館) 天色雖微藍,其實已經9點幾,係舊城區大有名氣的民間pizza店Pizzeria Di Cosimo享受正宗的意大利pizza~ 又嚟睇唔明menu求其點指兵兵亂點一個,result係火腿蘑菇芥菜藍芝士薄餅,約5€ 第一印象,水份勁多,芝士亦少,與一般pizza xxx等認知有極大分別 一口咬落,藍芝士唔會過濃過鹹,批底脆而不乾,仍微有韌性,各材料味道互相配合,確係不俗! 怪不得多人到生意做唔切啦! 之不過,公平地講,好味係好味,但的確無好大既big surprise,可能係柏林日常已經食慣左差唔多質素ga啦,唉我屋企附近果間小店真係好鬼正呀! 點擊圖片放大 (間鋪裡面因為有火爐,名乎其實熱到火爐一樣!) 係舊城區仲發現夜媽媽有間火腿店仲開門,口痕,又亂點野回hostel宵夜! 200g 正宗意大利生火腿,成5€咁貴勁肉赤! 但咬左一啖之後,得啦,呢包ham比香港一舊水100g既質素仲要高幾倍!!!! 又香又軟又滑,未食過咁正既生火腿ga!!!!呢樣先係全日真正surprise我既美食!!! 意大利,除左pizza pasta and gelato,記得一定要食ham ar!!!!!!! 點擊圖片放大 +2 Bari一日遊就係咁簡單~ 其實仲有兩三件小事發生於此的,但我想下回另開一章先講 所以,下回繼續~ ================================ 補完此Blog上未成文的相片和無聊閒事: My Facebook Page : www.facebook.com/Garcia.in.Germany ,多多支持呀!~