9月9日,一年前既我就係呢日出發去德國working holiday 仲好記得之前一晚訓得兩個鐘,對住屋企部電視機、玻璃杯、恤衫牛仔褲甚至廁所塊板都諗一輪-------「哎呀以後唔知仲有無機會見你地啦.........」仲多愁善感過黛玉葬花 去到機場,娘親連我拉喼拖喼既方式都表達一輪意見,老豆只講一句「小心d啦」,離境大堂內仲有兩位好友接應同我影相吹水減壓......... 仲有初到慕尼黑天黑黑,人生路不熟初到貴境果種徬徨無助....... 抬頭望見夜空,看著星宿,懷疑著來到此陌生異地是否正確.......... 低頭過來,我已站在塵土飛揚的觀塘道旁,滴住汗懷疑緊中秋節有無通宵Van返沙田 別過當日的茫然,現已回到那經歷了三十載的生活習慣 一年過去,除瘦左少少,外貌仍是一樣傻得嚟帶點浪子既瀟灑,年輕得嚟帶點成熟,性感而不惹人反感.............. 之不過,內心之充實,眼所見的,心所歷的,決非一年前所能比 ; 這雙腿所踏過的,也許是很多人一輩子也沾不上的異國泥土。 我得到了一份金錢也買不到,一生難忘的經歷 不是炫耀,不是自滿,只是非常感謝我身邊的所有人,不論是親人、好友,還是旅途上的過客也是 沒有他們,我這一年不會如此精彩,也不會有支撐下去的力量和勇氣 德國微涼而清新的空氣,粗豪而爽朗的語音,還不時縈繞身伴,熟悉卻遙遠 大概,在地球的另一邊,那些和我有一面或數言之緣的朋友,也正看著同一輪圓而亮的美麗月光吧 (第一晚到德國,閒逛時拍下的Marienplatz,到現在看回,仍然是很美) ================================ 呢一篇寫到完結篇咁款tim!!!!! 唔係ga南歐岩岩開始ja! 仲有幾廿篇遊記同一百幾廿萬張靚相未蒲頭! 下篇會返返去斯洛文尼亞,請繼續期待同支持我呢個blog同Facebook page ar~ My Facebook Page : www.facebook.com/Garcia.in.Germany