以下內容涉及成人情節,只適合18歲以上人士觀看! 如果你係我學生,我勸你即刻x左呢個一頁再轉身射個三分波! 不過…..你照睇我都無你辦法ge………………… ======================================= 「紅燈區,模糊的一個她,拿年輕僅有的美色粉飾繁華…….」 雖然明知呢度係荷蘭阿姆斯特丹,但我真係忍唔住邊行邊唱著呢首Shine既名作”曼谷瑪利亞” 相信唔少人對呢個世界知名,少數公開談性既地方都充滿幻想~~ Wa~~~~~呢度d人一定係好咸濕ga je~~(口水中) 阿鋒你一個人旅行到此~一定晚晚依紅偎翠X交叉Y精盡人亡啦~因住第日無力行路繼續旅行ar………………………. 喂等等!!!! 紅燈區係荷蘭最出名既旅遊景點,幾乎無行過都唔叫去過荷蘭,我點可能唔去呢? 只不過唔好咁快標籤住!睇埋我呢篇遊記先好無~ (由於紅燈區內不能拍照,所以幾乎所有相都係取自網上的,請諒!) 阿姆斯特丹紅燈區位於舊城區市中心正中央,除非唔行舊城區,否則你一定會經過! 相傳阿姆斯特丹自古已經係重要既運輸港口,有大量長期越洋運貨的船隻在此交收 古時行船真係一個唔覺意就幾年都係海上,而且普遍認為女性於船上不祥,所以船員都盡力避免沖涼時執番梘 而家難得上到岸,台灣諺語有云「當兵三年,母豬賽貂嬋」,仲唔係亂咁搵女人豪花2億既時候!? 於是為左照顧一班谷上腦一段長時間既水手,Amsterdam就興起左呢種最古老既服務性行業啦!而紅燈就係話比班水手知 ---- 埋嚟睇埋嚟揀啦~呢度有貨賣ar~ 時至今日,紅燈已成標記,以一個個小型櫥窗為單位,一位位美女藏身於內向路人大賣風情~ 嚟之前都聽聞過區內會有大量美女向你招手,但事實上人數卻比我想像中少 就我呢幾日所見,大概數過都係約100人正在開檔,而且多數長期駐紮 種類方面(其實用”種類”呢個字好似唔太好,但我諗唔到更好)亦都比較多元化同國際化 主流當然係西方人喜愛的金髮豐滿愛美神飛彈,其次係嬌柔瘦削小玲瓏,烏黑濃密長髮既霸王硬朗型都不少 假如客官閣下有著特殊愛好,SM女皇、非洲女性相撲手,甚至變性人都總有一款岩你口味! 但卻未見亞洲代表,都不知是開心定唔開心好 (搵唔到咩相,用呢d頂住先~) 根據觀察所得,當地性工作者並不可以主動開門拉客,他們只可於櫃內安然靜坐微笑,或輕彈窗戶發出聲響,或嬌嗲地說聲come on baby,甚至搖擺身驅跳舞,目的就是為了吸引你注意引你主動開門問價,所以理論上學金雞吳君如打工字伏虎拳係有用既! 可惜既係一般路人都係得個睇字,間中都見有人會主動開門問價,但都是不了了之為多 其實都明白既,縱然襄王有夢,但係條有一百幾廿萬遊客既大街上,你一開門果下已經係全場焦點! 仲要行入去!等於話比全世界人知「朕而家就係微服叫雞!吹咩!」呢個係要何等勇氣呀!!!!!!! 一個唔覺意你老婆個三姨媽個姪仔個親戚咁岩係係旁邊!回家將你既英勇行徑分成9集每日不停輪流播放,wa都真係一舉成名天下知呀! 所以於小巷內的檔口一般都多人d受歡迎d~ 點擊圖片放大 +2 而此處色情氣氛雖重,但卻沒有太過,至少所有性工作者都是3點不露的 她們大多都穿著螢光內衣,在霓紅燈下現紅綠之光,確有吸睛之效 但我就唔明白點解有人話螢光內衣會吸引d sexy d?亦等於我不明白點解會有螢光避孕套? 戴左會靚仔d?勁d?興奮d? 定係怕黑mama搵唔到大家個連接部份會stick it in a whole hole,所以要幫小弟笠返件衫當犀利光用? 如果係咁既話,活塞運動時咪會變魔術咁law : 唔見-->出現-->唔見-->出現-->唔見……..比我一定做緊都笑到反肚!!! 好啦講左咁耐,作為一個單身獨男,你究竟有無心動去提槍上馬先???~~ 嗱! 認真! 我作為一個身體健康英俊瀟灑兼直過機場跑道的正常單身青年,見到咁多性感可人兒係我面前騷首弄姿,你話無感覺無心邪就假ge! 孔子都話 :「食、色,性也!」我無理由唔順天命應自然ga!!!!! 阿鋒!係時侯啦!!!!Go Go Power Ranger!!!!!! 不過事實就係,我望住霓紅燈箱內婀娜多姿的美女會講 : 「um幾好」 我過隔離唐人街望住南記門口熟食箱隻燒鵝會講 :「wa正呀喂!!!」跟住雙眼發光d口水far far聲咁流哂出嚟! 係咁既情況下妳覺得我會擇邊樣呢?我望住隻燒鵝既時間仲長過個女人呀! 黃子華話 : 「食同色根本唔同!有無人會望一舊咩都無包住既牛肉望到比車撞呀?」但我當時正正覺得有架車嚟緊我都未必知…….. 你地知唔知我地working holiday人有幾掛住廣東燒味ar…….德國真係點都做唔到個種味,自己整到叉燒je但無可能整到燒鵝掛…… 你叫我花$500做一陣運動,仲要付出送野比陌生人? 我不如花$500買隻鵝成隻咬令個五臟廟有收入好過! 仲有一樣令我唔墮入塵網既原因,就係我知絕大部份在此工作的女性都是被騙被迫被賣到這裡的。 佢地每一個都有自己夢想,有自己想做既事,但卻囚禁於此,向著一個個陌生人獻出自己寶貴的肉體 不論奇醜豬八戒、人形漢堡包定地中海大漢,只要他們比得起錢,就要笑臉迎人地被壓於身下隨意糟蹋,完事後仲要講多謝 而且因為他們是黑幫既搖錢樹,絕對唔係咁易可以話唔撈就唔撈! 日復日於此無盡地獄,係幾咁可憐 即係話如果我幫襯,就係助長黑幫 ; 唔幫襯,性工作者們又無以為生。其實真係一個兩難式 既然我無力拯救佢地出火坑,唯有親身略盡綿力 ------ 唔捐獻比黑幫減少佢地既收入! 雖杯水車薪,但削得一分得一分啦!! (唉要證明自己無曳曳都要寫咁大段字……..9成之後又比人話此地無銀la….) 其實,性工作者都係人,不論她們是否被迫是否自願,都係靠自身勞力以賺錢過活,同你日日返工對老細無咩分別 所以,對人多一點專重,也是對自己多一點尊重吧 今次紅燈區之行雖沒有櫥內一聚gathering,但總是大開眼界呢! ============================ 返到香港後好懶又好忙,一篇野拖左幾日先寫完,但總算可以再一次發文啦! 今後都請大家繼續多多支持呢! My Facebook Page : https://www.facebook.com/Garcia.in.Germany