早前睇到有篇文章講“世界杯期間女生們注意事項”,頗為有趣!而作為歐洲旅行中的backpacker,一時興起,又試下寫“世界盃期間背包客要注意的十件事”先! 1. 賽程緊密,但行程可能仲緊密!夜晚波勿睇咁多同飲得太醉 ,第日無精神旅行幾靚風景都打discount! 2. 人地問你鐘意邊隊咩球員要小心,因為你唔知人地捧邊隊,或當地人同你既愛隊有咩國仇家恨! 萬一走唔甩的話 : 「What is your favour team?」「St.Antonio Spurs! Tim Duncan is great!」 或者答d佢唔識既 :「最鐘意香港一個姓區既前鋒,wa佢有一腳成名作真係世界級..........」 3. 時刻話比人自己係香港人!小弟於揭幕戰後剛巧到達克羅地亞,總覺得途人眼超超,眼神中略帶敵意.......到酒吧睇波時有人問“Are you Japanese?”一時醒覺!喂我同判錯12碼個球証一d關係都無ga!!!!!! 4. 鐘意邊隊都唔好太張揚,猛虎不及地頭蟲,可能你媽叉緊洛賓時隔離枱係佢細佬呢,如果見佢地飲既係支裝啤酒最好再提防d! 5. 入波唔入中柱中楣黃牌紅牌12碼時不妨盡情講粗口,反正身在外地無咩人識聽 6. 睇波地點切勿離住宿太遠,萬一球迷攪事可能返唔到去or塞車(特別8強後或身處比賽隊伍之國家); 此外睇波一家大細最興奮,揀睇波地點時最好問定有無WiFi,同香港班老友同步睇波high好多 7. 足球不分種族,但一班人睇波傾偈時有口音互相聽唔明在所難免。但有幾句萬能的說話一定得 : “yes yes yes!”, “Cool!”, “ic”, “too bad” ,“What the fxxx!” 8. 外國海邊碼頭(例如丹麥)很多都有一根根木樁插於岸邊,切勿睇波入腦太興奮,跳上去學戴志偉練習空降射球,無人救到你的。(至於雷獸射球會大拗柴不能繼續旅程呢d常識嚟啦!) photo 9. 睇波唔飲酒食野就好似葡萄牙無C朗----總係差咁d!但作為銀兩有限的backpacker,小心唔覺意荷包大出血over budget ! 10. 新相識Dead air無話題時可以講下燈神球王比利,有共同敵人/搖錢樹大家一定會fd左!又或者講下香港有個好靚既model有同等級的威力,都可以打開話題的~ 以上純粹個人意見,不喜勿插!~望大家睇波開心,笑容滿分! =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪