離開波蘭嚟左個二萬五千里長征,巴士加火車又16個鐘,由克拉科夫穿過柏林、漢堡,再直上丹麥第三大城市----西部的艾斯傑格Esbjerg,正式開始我既西北歐貴到嘔之旅! Esbjerg係一個郵輪貨運既大型港口城,值得一看既景點除左我facebook page post過既“4 Giant”外可以話無! 但呢度有幾樣野極吸引 ------ 1. 鄰近丹麥最古老城市Ribe 2. 有船到達Vadehavet國家公園,公園的3個島各有特色,仲可以睇到野生海豹,同俗稱“Black sun"既季候鳥大遷移時橫空蔽日的奇景!我google photo時一見就即刻決定要嚟啦! 但我google少左樣野.........資料話時期係5-9月出現,但原來係呢幾個月內某幾日先有(其實諗落好正常,唔通班雀日日遷一次過你睇咩,你日日搬一屋都想死啦) 至於海豹,咁岩呢個星期都係tour出海睇.......只能怨自己唔做足功課啦....... 點擊圖片放大 +3 (Black Sun from網絡圖片,好似好壯觀好型呀.......) (網絡圖片) 當我知道無得睇失望之際,information center職員幫我問到Vadehavet國家公園3島的Fanø最有機會有野生海豹! 一聲感謝,直奔碼頭,坐上小船向小島Fano最南部Sønderho進發! 未到先興奮!wa架巴士直剷上沙灘上頭文字d ar!!!!! 點擊圖片放大 +2 Sønderho只係一條香港公共屋村咁大既小村落 一個鐘後就要坐回程車,無時間啦!直衝去海邊!!! 海豹ar海豹,你係邊ar?????? ee!!!!!!!係乜都無ga................ 雖然海豹傻豹龍虎豹乜都無,但呢處海邊濕地雀鳥種類聚多,環境清幽仲鳥語花香,只係睇呢個view都抵! 點擊圖片放大 +2 見仲有時間,神行太保上身直奔另一邊 Fanø 真正最南部的海灘 可惜除沿途既牛牛同海邊既流鼻水BB都係乜都無 行出海灘深處,波瀾壯闊,陰天下自有深巖之象,不枉此行也 回程後來到碼頭旁的城市Nordby行左個圈,但吸引處又不及Sønderho了 我於Esbjerg既旅程主要如此,其實聽聞另外兩個島都非常值得去,但就要等下次啦! 另外我要講,丹麥既hostel真係好貴,好貴!!!! 丹麥有统一的hostel聯盟叫Danhostel,囊括大部份丹麥的城市,而且有“hihostel" card有9折 可惜既係一晚床位仍然高達$300幾蚊港幣(一般過$150已經係貴!) 最陰公係WiFi要另外收費!$140兩日for 1部機使用,有d過份wor 但丹麥本身就係貴到唔對路既地方,幾晚je,唉算吧啦................ ================================= 第一次用新頁面,d相攪左我好耐,真係好耐,所以可能好怪.......真係要d時間攪攪佢ar..... 同埋新頁面下似乎未用到Facebook page box,所以唯有超hard sale同麻煩咁post link啦 有圖少字既facebook page :www.facebook.com/Garcia.in.Germany =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪