“As a human being,you should come here at least once” 這是一個同行的意大利女孩說的。 係德國住左咁耐,我從來無諗過去集中營,因為我知道係咩一回事,同埋唔想令自己去完心情太沉重 不過,嚟到波蘭呢個二戰重災區,卻有把聲音叫我總要去一次 不論將來仍否繼續教書,都可以理直氣壯同其他人講下,呢段歷史有幾咁黑暗,絕對不能重蹈覆轍! 去過後證明,我這趟是走對了 奧斯威辛集中營Auschwitz Concentration Camp,位於波蘭南部克拉科夫以西的Oswiecim ,是二次大戰中最大的集中營,死亡人數約110萬 自己去的話,由克拉科夫出發,坐巴士約一小時十五分鐘可到,問司機或最多人落車個站就得 分為camp1 camp2 camp 3,camp1下午3點後免費入場(3點前必需要跟tour),camp2完全免費,所以我先從camp1坐巴士到camp2,好似免費的(反正無人比錢),camp 3則散於各地 這裡大概是唯一與藍天白雲不相配的景點了 camp 2比克瑙營Birkenau,是最主要的「滅絕營」, 外圍被鐵絲網環繞,一入內便能看到廣闊無際的廣場,地上有兩條長長的路軌,兩旁每數百步便有一層樓高的哨崗,中段位置有一部已破舊的車卡 如果不說就只像一座荒廢的鐵路遺跡,加上蔚藍晴朗的天空,誰會想到,數十年前,一批一批的猶太人就係被火車送到這裡,下車排好一條長長的隊伍,等候一個一個被“selection” 將領會即場決定,男既呢邊女既果邊細路呢度,呢個送入營,呢個送去做實驗,呢個無用即場鎗決........... 即係話呢條隊,就係佢地嚟到地獄既第一站........ 看著圖片中的隊列,我想像唔到排隊中既人究竟係咩心情.........看著前方一個個家庭愛人的分離.....仲有幾多個到自己.....我既生命會唔會只剩低呢幾分鐘......呢幾分鐘係咪我最後見到親人既時間......我究竟做錯左d咩...... 點擊圖片放大 (就係呢種火車,一車車咁將猶太人運嚟殺害) 點擊圖片放大 路軌廣場盡頭是死難者紀念碑,左右兩邊的瓦礫,就是毒氣室遺址,再向內走就是集中營的住宿處 入內一望,發現只是一排排的木架,像你我家中都有的雜物架無乜特別 但當我偷聽d導遊解說時,先知呢d木架環境有幾惡劣! 一層要訓8個人,逼不特止,仲要一星期都無乜幾次比水佢地沖涼,勞動一日後的體味混集,可想像衛生有多惡劣! 無被無枕頭,冬天凍死人多,夏天病死人多......個導遊講得岩,呢度唔係為比佢地生存,而係為折磨佢地而存在 換轉是我,會不會不到一星期已發瘋呢...... 另外遠處還有一座孖生小孩的專門屋,導遊話德軍要研究點先可以生到twins,因為咁樣人口生產力既增加就會快一倍......... (毒氣室遺址) (咁樣一格8人) 離開camp 2坐巴士回到camp 1奧斯威辛主營,相較起camp 2,呢度比較似一座“營舍”,保存也較完整(因為未嚟得切消滅證據),但也因為實物如此完整如此赤裸地放在面前,感受反而更深 (其實我唔明點解要笑住係門口合照) (營內樂隊的演奏地,他們作用是略為安撫營內的囚者) 完整的毒氣室,走進去,看到除了一片灰暗,更彷彿看到成千上萬的枉死亡魂在叫嚷,他們死前的心情、模樣,手指如何在牆上劃下一道道的血刻....... 對唔住,係呢度,我真係唔想舉起相機拍照...... 同埋我真係想知,接到命令要放毒氣,以及把一個個睜眼屍體送入焚化爐的納粹士兵,究竟懷住點既心情..... 鎗決場,有時我諗,可能一粒字彈下來,反而比係地獄中受苦更好....... 集體絞刑場,曾處決過幫助囚犯逃走的工作人員 大廣場,每日所有囚犯都要在此集隊及點人數,每一營都要齊人先走得,好似話曾經有一營企足一日 有部份女性會被送到此“做實驗”,我覺得呢樣先係最血腥最恐怖最殘忍既事,是活生生的恐懼鬥室吧........ 營內仲有好多囚犯生活的記錄和展覽,但數小時下來,我已經有點吃不消,心裡難受得要命,看了一兩個後頂唔順回程啦,total睇左8成左右啦 一如其他參觀過的人,每位離開時都會一直帶著沉痛的反思,而且希望將來唔會再有相同既慘劇發生 集中營,看過後,心會很重,但你會覺值得的 ========================================= p.s.講下參觀建議先 : 我因為尋日鹽洞有嚴重既中伏感,所以今日嚟集中營無再跟tour 之不過如果嚟集中營似乎都係有個tour guide比較好,因為咁先會知集中營內裡發生左d咩事,知得都更深入 當然,如果窮到燶想慳d又唔怕樣衰,可以學我咁扮哂影相走去偷聽d英語導賞! 跟團知多d就$250,樣衰知少d就$55(來回巴士),如何決擇就自己決定啦 =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪