德國working holiday第七十章 : 加里寧格勒的混帳交通

上篇講完俄羅斯“飛地”加里寧格勒Kaliningrad既旅遊資訊,今篇就講下我係呢度遇到既麻煩

 

呢處基本上係一個“無預計過有人會嚟旅遊”既地方,除左information center,街道上給遊客既資訊是接近沒有的

要搵路,除左間中有一兩塊板話你知”you are here”外(仲要個text box遮住地圖一大部份…….),係完全無任何路牌指示主要地點係咩位置邊個方向的!

如果你有幸囉到英文版地圖,恭喜你!但佢既街道牌係用俄文寫,幅地圖翻譯哂英文比我,我鬼知係邊條街咩!

囉埋俄文地圖雙弓齊發無死啦掛!但我見過有錯街道名law…….

手語達人周街問人,無問題啦~但我問十次有9次路人都唔知自己係邊……Hostel既staff仲勁,附近佢食開既餐廳都可以指過左兩條街比我!

係完全無地圖地理概念ga!!!!!係咪俄羅斯無Geog讀ga!?

而亦因為呢樣野引起我旅程中最大既荒謬事

 

 

要講就要首先講呢度既交通,係我見過最混帳既公共交通運輸系統!

市內巴士站可以係超過9成都無任何會經此處既巴士名!!!!!!!!!更加唔好講話路線圖目的地收費表行車時間乜乜乜!!!!!

有既果1成,兩張紙仔貼係燈柱,目測紙張底線起碼兩米高,你唔係姚明你唔會睇得清楚

即係話,你係個站度,係跟本唔會知呢個巴士站將會有咩車經過,會向咩方向行去邊!

咁我點坐巴士呀????????

而“巴士站”好多只係兩張凳一個鐵皮簷篷,你無為意未見過既係唔會知呢個係巴士站ga!

 

(唔講以為涼亭避雨ga ja………)

 

問人無死啦掛~~但呢度d居民超級8成機會比錯資料ga!!!!!!

我到埗前一早係email問定間hostel點去,但全部錯ge,無呢幾架車wor!

幾經辛苦問左3,4個路人,搵到去hostel既巴士啦,但個巴士司機都可以過左目的地兩個站先話“係呢度啦”,係兩次都係咁呀!

夜晚返hostel,又一早問定邊幾架車ok,一路睇住地圖+金睛火眼望實啦,點知架車駛左上山區!!!!就係咁要夜嗎嗎行返去………

我問information center美女staff點會咁痴線,佢都苦笑話當地人都覺煩,只不過習慣左……….

 

(部相機白平衡有d問題,太暗下吸白燈變綠色…..)

(解決左我超多疑難勁好人既information center職員)

 

正因為交通上既伏實在太多太多,所以離開此地返立陶宛時晨早7點出發,原本需時20分鐘既車程我預早左兩個鐘頭,更一早問定最可靠既information center點去,萬無一失啦!

74號小巴,上車囉住張俄文地圖指住international bus station,佢嘰哩咕嚕一輪叫我上車

到某車站叫我落,我話未到,佢話唔係呢架要坐63號,此時其他乘客都話唔係呢架車…..信你啦,架車你開ga ma仲比埋俄文地圖你wor

等左陣,63到,司機話 : 「唔係呢架車wor」!!

下!!???岩岩74司機話呢架wor! 但之前有經驗佢地成日錯,唔信邪,等下一架63再問,司機話 : 「係呢架呀!」…………….ok咁上啦!

坐呀坐呀…………到總站啦,同我尋日買飛既地方唔同既!!!!?????

74司機竟然問我其實想去邊!!!?????我問你其實去左邊呀!!!!!!!!!

指俄文地圖比佢睇,佢搵埋其他人一齊睇,我再指埋代表呢個城市既地標Kings Gate幅圖,都係唔知!!!!!!!

結論係佢車我去巴士廠坐66,而66叫我去77,77叫我去37…………

當時我已經十萬個想死,見時間無多,架37剛出巴士廠wor!!即刻大字型攔住,終於37司機識兩句英文肯定話岩啦!!!!!!

佢以時速20公里生死時速左半個鐘後,呢個路口轉右直行就係啦!!!!!…………點解你轉左ge?????

37司機話 : 「架車仲要兜城市一圈先去到wor,你趕時間ar?」………即刻飛奔落車啦!

仲有15分鐘,跑都去唔切,唯有最後手段找的士及順風車!

果然!俄羅斯人係唔識國際call順風車手勢ge………..一張張車內疑惑既臉孔,有人仲比返個大姆指like我tim…………

終於時間到了

我預早兩個鐘頭,用盡九牛二虎之力,所有既異國溝通技巧,都係可以趕唔上班國際長途巴士!

 

你地睇呢段文字可能覺得好似no big deal,但請想像我預早一日去車站實地考察買飛,一早問好哂點去,第二朝天未光就咩住大背囊,於語言不通交通不便既異國兩小時不停受挫既無助感與精神壓力…..

我當時真係嬲到爆炸,嬲到爆炸呀!真係未見過咁痴線既交通!見聞又增廣了!

 

 

當然我既然一早知交通混帳,plan行程時已經計埋plan B出嚟

冷靜過後,看看後方有此地難得一見的酒店,即刻入去借WiFi修改行程,係hotel職員幫助下,終於成功於下午1點改搭另一班巴士,約6小時後到達立陶宛首都維爾紐斯Vilnius。至於原本想去既立陶宛希奧利艾Siauliai十字架山,就無緣於此旅程了……….

 

(立陶宛Siauliai十字架山)

 

我同果位Hotel職員研究我發生既事,佢話我都唔係第一個,因為呢度既司機係對自已行車路線以外既野一概不知不問!

即係佢地只係知“呢條路直行呢個彎轉左”,而唔知“身處咩地方我會經過d咩”,再簡單d講就係完全刻板地過活,對自身以外事完全不聞不問!

不過,公平地講,以上每一個車錯我既司機都係超級好人,每一個都係盡力幫我帶路搵路解決問題,某程度上我係真心非常感謝佢地對此外人過客幫忙的!

只不過就好似收得多既好人卡,「你係一個好人,但係………………」

是制度問題,定係封閉生活環境做成呢?是一個非常值得研究的課題………..

 

 

吐左好多苦水啦,但我明白係因為呢個神秘既方未真正預備向外人開放je

係自己屋企根本不需要指示,係我自己盲摸摸鍾埋嚟

呢3日中我所見,除左係白色東正教堂前有一兩人影相外,根本就全無外國人,而一個著紅色羽絨紫紅頭髮既亞洲人,更係一路上被投以奇異打量既目光(當然我唔排除同樣衰有d關係)

information center話佢根本就無聽過有香港人嚟過呢度,我可能係第一個

呢句說話令我自high左陣~~~~咪傻啦!一定有人嚟過,香港人係一個環遊世界既民族來的…….哎呀但比我high多陣都好呀!XD

 

Anyway,呢度雖然麻煩,但都可能係因為佢既封閉,先保留到俄羅斯獨有既風格而未受污染

而我呢兩篇極其罕有的Kaliningrad中文遊記,亦只係對市內一些環境景點作輕度簡述,外圍郊區仍然係所知皮毛

要發掘它們,就靠各位backpacker啦~!

 

===================================


IG果邊間中會有d和Blog及fb page不一樣的相片和story,大家有興趣既去follow下支持下啦~


Instagram : https://www.instagram.com/fung_garcia_backpacker/




==============================

我既Youtube Channel正式開通啦!!!!

快d Click入 「鋒加西亞 / 旅人瘋語」Subscribe 睇片再禁個like啦!~



=================================

Email : funggarcia@gmail.com


文章同時刊於UBlog、 DC Fever Travel、 Blogspot 、遊牧爆谷Medium,請各位繼續多多支持呀!!!!!!!!!!!!!







 

 

This entry was posted in 俄羅斯 and tagged , , , , . Bookmark the permalink.

4 Responses to 德國working holiday第七十章 : 加里寧格勒的混帳交通

  1. Michael Tsang says:

    不小心打錯了,你都是趕不到國際巴士,是因為趕不及到巴士站。但我是提早到達巴士站都趕不到國際巴士,而且我在郊區,周圍只有一條村,什麼都沒有,最近之酒店卻在邊境對面。

  2. Michael Tsang says:

    沒有最混帳,只有更混帳!你還算趕上到班國際巴士,我提早20分鐘去到Morskoe路邊巴士站等國際巴士384都竟然會搭不到車!巴士公司之電話是長途電話,我要Whatsapp當地朋友幫我聯絡,最終我獲告知巴士已經過了站而見不到我等車。難道該巴士由開出後全程超速,時間表寫70分鐘,正常需要60分鐘之車程可以不用50分鐘就跑過?!結果一度被困邊境,直到國家公園閘口人員幫我截到順風車為止。

  3. 鋒Garcia says:

    佢地每架巴士都有唔同既內部裝飾,而且似係家庭式“一架車一個family”咁嚟run,因為我見司機旁多數都係同司機超似樣既後生女,都有趣ge~

  4. 眼睛想旅行 says:

    巴士D佈置好特別喎!

Comments are closed.